Basir Çollaku/ A është Rama një spiun rus dhe kinez?!

A është Edi Rama një spiun rus dhe kinez?! Ngjan si një shkrepje konspirative, një lajthitje me doza të forta çmendurie, të cilat nuk është se i mungojnë individit të përfolur. Kuturisjet për lider global, e kanë përfshirë kryeministrin tonë në valle të larta rreziku, tej kufijve të dheut tonë. Dosja Charles McGonigal, e rikthyer më publikime të shtuara zyrtare nga Departamenti i Drejtësisë Amerikane, kanë dhënë vëmendje të shtuara, dy vatrave të nxehta hetimore. Asaj Ruse dhe Kineze. A ka diçka përtej ajsbergut në këtë histori të rëndë?!
Flirtet ideologjike të kryeministrit për shkak të trashëgimisë së etërve, bilogjikë dhe jo vetëm, janë shumë sovjetike. Por me sasinë e madhe të pushtetit të grumbulluar aktualisht, ata janë shkrirë dhe harmonizuar me një paligjshmëri ekstreme, me kahje të dukshme në sinore kriminale e mafioze ndërkombëtare. Kujtojmë dallditë e Ramës në vitin 2013, i sapo bërë sefte kryeministër, kur u shfaqën telashet e armëve kimike siriane. Një qokë ndërkombëtare ku ai vrapoi si vetëofertë, për të sistemuar si asgjësim problemin në këtë luftë. Rendi edhe pas Lavrovit, kryediplomatit rus, e ca orë gjeti shteg të bëhej lajm. Pastaj u trash po si lajm, kur dështoi nga protetsta studentore dhe rezultati ishte një zgërlaqje. Më vonë kur u bë për shkak të kalendarit kreu i prezencës së OSCE, u bë Shqipëria, ai u afrua sërish pranë Lavrovit, ku nuk mungoi shpërfillja e Moskës, ndonëse zhurmuesit e oborrit të tij pëshpëritën një takim të mundshëm me Putinin të liderit të fshatit të tyre rilindas. U çmend në 2016-tën, kur në CNN deklaroi se Donald Trump ishte rrezik global nëse largqoftë zgjidhej president i SHBA. Nuk ka munguar Olsi, vëllai i shefit të qeverisë, në një përpjekje për të bërë një dorë biznes kur një kompani kineze, “Zheijang Haiteng Investment Co.Ltd” mbërriti matanë nga lindja për të ndërtuar një park industrial 500 hektarësh kryesisht për energjinë, me tokë dhuratë qëeveritare për 99 vite. Në foto shihej Olsi Rama me kinezët e kompanisë. “Bankersi” përfundoi ndoshta me marifete tregu në një kompani kineze. E tani ka sulm mbi të, për të ndërruar pronarët mbase sipas oreksit të kryeministrit. Sektori thelbësor i energjisë, një element i Sigurisë Kombëtare për shkak të peshës në ekonomi. Në vitin 2014, amerikanët kishin ngritur alarmin se në Shqipëri po e humbisnin betejen e energjisë përballë rusëve. Ngaqë shtetarët shqiptarë kishin kokën nga viset e Stalinit.Vite më herët, kinesët morën edhe leje për rrjetin 5G, por një vaksinë amerikane ndërroi ujërat. E mjaft të tjera kanë ndodhur.
Dhe rikthehet dosja e Charles McGonigal zëvëndës drejtorit të kundërzbulimit të FBI, të Nju Yorkut, ku gjendet e strukturuar celula ruso-kinezo-anti-amerikane, ku Rama është aktor dhe faktor edhe për shkak të afrisë së çfarëdollojshme me klanin “Soros” Kompania kineze ku gjendet i punësuar këshilltari diploamtik i Ramës, personi B sipas dosjes, si drejtues CEFC kineze merr koncension nafte në Shqipëri. Nuk harron dhe sponsorizon ekspozitë pikture të kryeministrit në HonKong. Dihet, nuk ka drekë falas. Me sugjerimet e Charles, të të korruptuarit të FBI, Rama këshillohet që të heqë licencën për naftën, një kompanie ruse, e tia japë një tjetër kompanie po ruse. Oleg Deripaska oligarku i sanksionuar rus dhe oligarku tjetër po rus Shestakov, krijojnë akses te Rama. Nëpërmjet kësaj bërthame në darka e dreka informale me agjentin, koncensione, shërbime, shpërblime, amerikani i korruptuar, pret e përcjell informacione delikate amerikane te rusët e kinezët, nëpërmjet qelizës shqiptare. Nuk mungon zyra e kryeministrit si përçues e përfitues. Pasi ka marrë drejtësinë në dorë nga klani “Soros”, duke hapur front punë për ne thotë Charli në përgjimet e dosjes, aktiviteti i ekipit rus, kinez e amerikan, kundër amerikanëve zgjerohet. Gjobëvënie, trafiqe droge e armësh, pastrim parash, janë adresat ku hetimi po thellohet. Në 2027 sërish sipas një grafiku të përcaktuar kohë më parë në Tiranë do të zhvillohet një samit i Aleancës së Atlantikut. NATO në Tiranë, pra presidenti Donald Trump në Shqipëri, me mikpritës të çoroditur, ushtarin e “Soros”. Ndaj të cilit kreu i Shtëpisë së Bardhë, ka angazhuar ligjin federal RICO, një ligj lufte antimafia për të gjithë psikopatët e këtij “klani” ka deklaruar Trump. Dhe Shqipëria ishte qendra e Ballkanit të këtij grupi me dorë të parë kreun e qeverisë. Një samit, nën organizimin e Edi Ramës, shërbyesit të gatshëm të shërbimeve ruso-kineze sipas dosjes, njeriut korruptues të agjentit të FBI, sajuesit të dosjes ruse kundër presidentit amerikan Trump?! Deri atëherë ngjarjet do të trazohen shumë më tepër se sot. Shumë sevdallinj rusësh e kinezësh do të jenë në të tjera zyra.. Rama një ndër ta…