Ndryshe nga çfarë është thënë lidhur me prurjet e këtij viti, aktualisht dhe këto janë shifra jo opinione, sezoni turistik veror, ka sjellë që deri tani ne të kemi mbi 9 milionë vizitorë, gjysmë milioni më shumë se viti i kaluar. Vlen të theksohet rritja nga Franca, Gjermania, nga Kina, India, Brazili, Australia apo edhe rritja nga Turqia apo Izraeli.
Destinacioni në tërësi po sjell rritje. Kjo, për të dhënë një informacion të saktë, jo se ne tani kemi objektiv rritjen në numër, nuk është ky objektivi ynë. Rritja në numër për ne nuk është më prioriteti i parë. Për ne prioriteti i prioriteteve është rritja e cilësisë dhe rritja e numrit të turistëve dhe vizitorëve që konsumojnë më shumë këtu në vendin tonë.
Kështu Rama e ka kuptuar se rritja është ndalur dhe se numri nuk do rritet më e linja e propagandës me turistin e 10 miliontë, 11 milionte i ka rënë, dhe është kthyer tashmë të cilësia. Të shohim sa do zgjasë kjo linjë e re mashtrimi qeveritar.
Ndërkohë gjatë fjalës së tij Rama duke “vlerësuar” turizmin shqiptar tha se një grup japnezësh që kishin ardhur për hërë të parë në Dhërmi u larguan të nesërmen pasi nuk rrinin dot nga muzika.
Rama: Pasi kishin prenotuar për 10 ditë, u larguan të nesërmen, të terrorizuar nga muzika. Thjesht u larguan. Ja ku është edhe Vangjeli që mezi i priste. Ikën japonezët, morën malet e Shqipërisë dhe u qetësuan….
Turizmi që reklamon Rama janë shifra, turizmi nga i cili shqiptarët nuk fitojnë asgjë është e vërteta. Ndoshta ata që pastrojnë para dhe oligarkët e Ramës edhe fitojnë por shqiptarët po ikin përditë.
