Basir Çollaku/ Po të flasë Erioni, bëhet “Dumani” i qeverisë

Ndonëse është më tepër ende lutje për ndihmë ndaj ish-shefit, deklarata e fundit e Veliajt, nga qelia, pas thirrjes në pyetje dy ditore të vëllait Arbër, ka edhe nota depresioni përzier me iluzione. Kjo me gjasa për të përfunduar dëshmitar i drejtësisë. Ftesa është për Edi Ramën. Mund të dorëzohet nga frika se fatin e tij e ndjek vëllai, vullnetari i radhës i kolegëve, bashkëshortja, nëna e saj. Një fundosje familjare mund të pjellë çudira rastësore.
“Kur të flas unë ti do të jesh lajm i fundit…” Kështu thotë ndër të tjera kryebashkiaku në pritje të zëvendësohet dhe të bëhet ish zyrtarisht me zgjedhje të pjesshme në tetor. Vështirë se do e shkrepë Erioni ndonjë fjalë, ndonëse është përpjekur shpesh të pëshpërisë nga kafazi. Presioni mbi të ka qenë dhunë. Jo vetëm leksikore e hetimore.
Pyetja është për çfarë mund të flasë Erioni rreth Ramës dhe a e konsideron Struktura Posaçme këtë njoftim?! A e kanë ftuar ata të pandehurin bashkiak në bashkëpunim?!
Kam dyshime se jo!
Sepse ata e dinë. Nëse nis ky kapitull janë të detyruar të marrin KM të pandehur. Me Nuredin Dumanin si dëshmi pendese janë arrestuar dhjetëra banditë e vrasës. Nuredini ka më pak prova se Erioni. Veliaj ka shumë më tepër. Shkresa e të tjera.
Po çfarë mund të kukurisë Veliaj nga qelia që Prokuroria nuk është se ka fort dëshirë ta dëgjojë!?
Po ja…::
Do ju thotë se si e kurdisën me porosi leje e urdhër të KM inceneratorin në Tiranë, Elbasan dhe Fier
Do ju japë porositë për leje ndërtimi për klientët e përzgjedhur nga Ai
Do ju tregojë se tre shumëkatëshet e Ndranghettës në Tiranë ai e dinte dhe vetë e bitisi marrëveshjen ku nuk dihet si janë ndarë pjesët
Do ju thotë se si e urdhëroi të shembë Teatrin Kombëtar brenda tre ditësh.
Do ju thotë se si bashkë më vëlla Aleksin e masakruan drejtësinë dhe ujdiseshin cilët prokurorë e gjyqtarë të zhdukeshin nga sistemi e kush të qëndronte.
Do ju rrëfejë se tenderat në bashki sigloheshin në qeveri pastaj ushtria elektorale merrte miliona eurot e punëve publike
Do jo tregojë se si bënë planet me CharlesMcGonigal lobimet miliona euroshe kundër opozitës
Do u saktësojë se si u bë Belinda lubia e qeverisë dhe nuk hetohet ende zyrtarisht për asgjë
Do u shpjegojë përse Damiani e Niko Peleshi kanë duart te inceneratorët por janë lënë mënjanë.
Do t’ju thotë se sa kanë përfituar mediet kombëtare dhe lokale nga puseta financiare e inceneratorëve
Do t’ju japë adresat bankare jashtë dhe ato ofshore ku gjenden qindra milionë euro para publike të vjedhura
Do u vërë në tavolinë dhe emra dashnoresh e dashnorësh diplomatëve dhe zarfet eurombushur bindëse për të sheqerosur raportet kur i duheshin Maduros.
Do u freskojë emrat e trafikut të kokainës me porosi nga lart janë dendur me leje e me punë publike në këmbim të vjedhjes së mandateve.
Do të flasë për Maznikun, Agaçin, Agasin, për Gonxhen apo Fugën e larguar. Të flasë dhe të bëhet “Dumani” i qeverisë, “Nuredini” i krimeve të saj. Në mos Erioni dikush do të flasë. Dhe nëse Veliaj nga frika apo shpresa se do shpëtojë edhe pjesërisht, Ai tjetri, Nesti Angoni në radhë, do të flasë për të dy. Po SPAK duhet të ndajë mendjen të ndahet nga Rama që Rama të mos i zërë poshtë vetes kur të shembet…