Në çdo aspekt të shtetit të së drejtës kemi dështuar në krahasim me Kosovën.
Gjykata Kushtetuese e Kosovës ia ka prerë rrugën Albin Kurtit sa herë është përpjekur të përdorë mekanizma të jashtëligjshëm.
Nuk e lejoi të konstituojë Kuvendin me vota të trafikuara; vendosi që votimi për kryetarin e parlamentit të bëhet i hapur, jo i fshehtë. Dhe Kurti – edhe pse nuk e do atë Gjykatë – qëndron pincë para vendimeve të saj.
Në Shqipëri, Gjykata Kushtetuese është kthyer në turp kombëtar. Në vend që të mbrojë Kushtetutën nga pushteti, i ka caktuar vetes detyrë ta ruajë Ramën nga Kushtetuta.
Edhe vendimet e pakta që ka dhënë, kryeministri as nuk i ka përfillur.
Mos harroni: Albin Kurti ka mazhorancë më të fortë se Edi Rama, për disa arsye të qarta:
– Nuk ka vjedhur asnjë votë – mori 40% të vullnetit të qytetarëve të Kosovës.
– Nuk ka kriminelë, rrugaçë apo karikatura politike në mazhorancë. Ka figura si Albulena Haxhiu, gruaja më e votuar në Kosovë, apo Donika Gërvalla. Rama, nga ana tjetër, ka pasur kryeparlamentare Lindita Nikollën, sot ka Elisa Spiropalin, nesër s’është çudi të jetë Zeqineja apo Tërmet Peçi.
– Kurti nuk ka shembur teatër, nuk ka falur prona publike miqve të tij, nuk ka shkatërruar pasurinë kombëtare. Rama, në të kundërt, ka rrënuar teatrin, ka falur prona dhe po dëmton Butrintin – dhe Gjykata Kushtetuese bën rojen që askush të mos kafshojë Kryeministrin.
Ky është dallimi mes një shteti që ka Kushtetutë dhe një shteti ku Kushtetuta është vetëm letër higjienike për pushtetin.
