Edvin, ndryshe gjithë dynjasë në këtë vend, unë gjithnjë e kam ditun se ti do të vish! Do të vish ashtu siç dinë me ardh të pabesët, duke godit ata ma të pamrojtunit. Ashtu si pararendësit e tu të pafe, tinzar e gjakatar!
Të kam pritun që në krye të herës: atëherë isha te Shekulli. E dija se ti do të ishe mas derës së kujto që nuk asht me ty, e dija që do ishe mas derës së kujtdo që përmbante rrezik për pushtetin tan, që tashma, me mandatin e 4 vendos me e konkretizue krejtësisht!
Rrethimi brutal i një ambienti mediatik, me dyzinë forcash policore, asht nji akt burracak që e kam prit, çdo ditë, çdo javë, muaj e vit! Unë që i’a njoh mirë bamat sistemit monstruoz që polli ty dhe sojin tand, nuk kam pas asnji pikë dyshimi në rritjen tane drejt marrjes nan kontroll të gjithçkaje në ktë vend! Unë i paralajmërova shokët e t’u fodullë që ditën që ti formove qeverinë e parë, e nuk kam gabue asnji presje! E madje, gjithë skeptikët ndaj ktyne parashikimeve iu them se ende s’kanë pa deri ku shkon etja juj për pushtet!
Unë e di, se sulmin ndaj News 24, gazetave dhe mediave online, ke me i trajtue si trajtove sulmin në Theth, siç orientove sulmin mbi gjoja çlirimin e hapësirave publike, e populli prapë ka me besue se se ti po e ban për të mirën e tyne!
Në fakt Edvin, na që të njohim, ty dhe modelin që përfaqëson, gjithnjë e dimë se e ke problem mos kontrollimin e gjithçkaje, sidomos kur bahet fjalë për median! Ti i do në rrjesht, siç ke bashkëpunëtorët, të gjitha mediat! Do që në çdo sekuencë të jesh vetë dhe madje me pamjen, fjalën, mashtrimin, devijimin e gjithçka tjetër që i shkon për shtat planit tand të çdominutshëm!
Unë nuk befasohem as nga ardhja e as nga mënyra se si erdhe! Fiks ashtu të kam pritur: me ushtri policësh, me furgonë e mjete të rënda, si mesazh i qartë ushtrimi pushteti! Fiks ashtu të kam prit jo vetëm te News-i po kudo ku kam shkel unë, me idenë se atje ku jam unë, ka me pas gjithnjë njerëz kundra pushtetit të frikshëm që vjen nga politika djallëzore!
Por në një ambjent gazetarësh, junta policore asht qesharake Edvin! Besomë se asnji në atë vend nuk i tremet turmës së policëve që ti i delegon si shpëtimtarët e zbatimit të ligjit! Askush Edvin, nuk trembet, teksa demonstrohet forca mbi një objekt nga ku jepen vetëm lajme, bëhen dy gazeta, punohet për disa media online, dhe sigurisht punohet fort, madje sakrifikohet edhe ma fort, madje, Edvin, ndryshe teje, edhe dashurohet Shqipnia shumë herë ma fort!
Asnji prej nesh nuk ban hap mbrapa prej sulmit tand Edvin! As nuk besoj se ka me ba, edhe pse ti e do dhe e pret dorëzimin e nanshtrimin. Gazetari asht shtegtues Edvin, gjen shtigje ngado, i shpik edhe kur s’janë, madje edhe nuk harron! Nji media mund të goditet, mund të mbyllet, mund t’i shkulen sinjale e priza printerash, po gazetarët janë aty, ktu e mund të shkojnë kudo, e prapë të jenë kundër pushtetit të keq e diabolik!
Edvin gazetari nuk harron, mund të zhdukësh edhe gjurmët e mediave, por s’mund të shkulësh nga Gazetari dhuntinë që i ka dhanë Zoti për mos me harrue…
