#Reagim:
Në rast se e ka ndërmend me fillu ndërtimi i segmentit Milot-Balldre, më bën ta besoj nga masat paraprake që po merr qeveria, duke shkelur hapur barazinë e shtetasve para ligjit në lidhje me ndërtimet dhe pronësitë që përfshihen në këtë segment si shpronësime.
Urdhëri i kryeministrit për shembjen e të gjitha ndërtimeve pa leje, edhe ato që kanë kaluar në proces legalizimi, apo bllokimi i dhënjes së çertefikatave të pronësisë për pronat që është lidhur tashmë kontrata e legalizimit për kalimin e pronësisë, është arbitrar, i paligjshëm dhe shkel në mënyrë flagrante barazinë e shtetasve para ligjit.
Jo më larg se sot më ngriti shqetësim një qytetar se, ASHK Drejtoria Vendore Lezhë nuk pranon ti lëshoje çertefikatën e pronësisë për pasurinë e legalizuar “se kemi urdhër”. Në cilin ligj e mbështesin këtë? Përse duhet pezulluar procesi i legalizimit?
Kjo manovër bëhet vetëm për t’ju mohuar njerëzve shpronësimin, një e drejtë kushtetuese që u takon në rastet e investimeve në vepra publike, edhe kur pronat i kanë të paregjistruara por në proces legalizimi.
Ky urdhër është gjithashtu një diskriminim i hapur i kësaj zone në raport me shpronësimet në vepra të tjera publike që kanë ndodhur këto 12 vjet në akset Thumanë-Kashar apo Fier-Vlorë etj.
I nxis qytetarët që ta bëjnë objekt të shqyrtimit gjyqësor mosdhenjen e çertefikatës pranësisë që buron nga legalizimi, apo për vonesat e procesit të legalizimit prej administratës publike, duke ju mohur të drejtën e shpronësimit.
Asnjë objekt, asnjë truall që disponojnë dhe zotrojnë qytetarët nuk mund të cënohet, për sa kohë nuk ka marr një përgjigje nga organi administrativ për kërkesën e legalizimit. Vonesat e shqyrtimit të këtyre kërkesave nuk mund të penalizojnë qytetarët.
Ose kjo ndodh në mënyrë selektive sipas qëndrimit politik.
Kështu, po ndodh një padrejtësi, që duhet reaguar.
05.08.2025
