Artur Bejleri/ Denoncimet e kompanive nga 2009
Grabitjet e naftës në Fier, turqit, kinezët, ortakët e Charls McGonigal
Prokuroia e Fierit, Tiranës, SPAK, kanë pasur prej vitesh kallzime nga ana ime për kompani naftë të cilët kanë shfrytëzuar paligjshmërisht pronat dhe kanë mashtruar në shuma të mëdha. Së paku nga vitit 2009 e në vazhdim thotë Artur Bejleri: kam bërë pafund denoncime. Janë zhvilluar qindra seance gjyqsore. Por paraja hedh ujin e naftën përpjetë dhe ende nuk kam marrë drejtësi.
Keni puse nafte në pronën tuaj?
Po. Në tokat e mia të familjes sime të trashëguara, të cilat janë më certifikatë pronësie, janë aktualisht 96 puse naftë, në shfrytëzim por edhe pasiv. Ndonëse ligji parashikon një marrëveshje me pronarët e tokës, kjo nuk ka ndodhur sepse është shfrytëzuar nga bashki e komuna.
Sa gjyqe ke bërë?
Nga viti 2012 janë bërë mbi 300 seanca me kompani naftë, Albetroli, Terra Oil, dikur Trans oil, Mec oil, të cilët kanë detyrim në miliona pa paguar. Tek Terra oil është edhe Charls mecGonigal, që ka 25 përqind të kompanisë. Detyrimet ka pasur nga 2009, dhe Taçi oil.
Kush janë këta kompani?
Murat Halli ishte administrator i Mec oil. Donte të bënte rafineri nafte në Patos fshat, në prona ime, me nr 161 dhe 159, zona kadastrale 2891. Bëmë marrëveshje dhe ata kanë tjetërsuar pronën. MË detyrohen mbi 400 mijë dollarë. Ata furnizonin edhe opoeratorë të tjerë. Nga çfarë është bërë publikë në media muaj më parë rezultonte të ishte furnitor edhe i anijeve të energjisë në Vlorë.
Pa borxhli tjetër?
Terra Oil, me administrator Shefqet Dizdari, ku është ortak edhe Charls McGonigal. Kanë ndërtuar objektin e firmës së tyre në pronën time. Jemi nga viti 2012 në process gjyqsor dhe ende pres një datë në Gjykatën e Apelit. Në shkallën e parë kam humbur dhe këtë vendim e kam dërguar edhe në KLGJ, ndërkohë që pres edhe shkallën e dytë. Edhe ky subjket ka detyrime nga vitit 2012, një shumë afër 650 mijë euro deri më sot.
Po me Albpetrolin je në gjyq?
Po e kam paditur bashkë me Terra oil. Sepse Albpetroli u ka dhënë mundësi të shfrytëzojnë pa marrëveshje asetet në një pronë të cilën nuk kanë asnjë marrëveshje me pronarët.
Keni edhe rërën bituminoze në pronën tuaj?
Këtë problem e kam me dy bashki, atë të Patozit dhe të Fierit. Ata marrin dhe shfrytëzojnë këtë pronë pa marrëveshje dhe paligjshmërisht.
i ke denoncuar
Kam bërë pafund kallzime. Po sigurisht i kam denoncuar për abuzime dhe shkatërrim të pronës, edhe të dy bashkitë Patoz dhe Fier, dhe në polici, prokurori në Fier, Tiranë dhe në SPAK, por këta të fundit e deleguan në prokurorinë e Durrësit për hetime të mëtejshme. Poe ende nuk është bërë thuajse asgjë. Vjedhjet vazhdojnë. Policia ishte gjithnjë në krahun e atyre që shfrytëznin pronën paligjshmërisht.
Denoncimi
Me 7 prill 2025, kam denoncuar ne Prokurorinë Tiranë, shoqërinë “Mec Oil and Refininf Co” me aksioner Murat Halli me akuzën e mashtrimi me pasoja të rënda. Më herët ka qenë kallzuar edhe në Prokurorinë e Fierit. Sipas kallzimit Halli me persona të tjerë kanë përvetësuar pasurinë e kallëzuesit, përmes paraqitjes së fakteve të rreme, duke fshehur fakte të vërteta, si dhe duke manipuluar kallëzuesin me premtime për pagimin e shumave monetare.
Pjesë e denoncimit
Subjektet e kallëzuara duke pasur interes në blerjen e këtyre pasurive kanë hyrë në bisedime me kallëzuesin, si bashkëpronar dhe si përfaqësues ligjor i familjarëve të tij, me qëllim realizimin e shit-blerjes së këtyre dy pasurive. Si rezultat i bisedimeve dhe diskutimeve mes palëve ata janë dakordësuar që të realizohet kontrata e shitjes mes palëve dhe, si shfaqje e vullnetit kanë nënshkruar më datë 25.12.2015 një dokument të emërtuar “Protokoll shitje”. Sipas denoncimit Në përmbajtje të “Protokollit të shitjes”, i nënshkruar nga kallëzuesi dhe i kallëzuari Murat Halli, si përfaqësues i shoqërisë, palët kanë përcaktuar se:
1. Arturi do të shesë pasurinë 45.531 m2 e paraqitur në tapinë e bashkangjitur deri më datë 31.12.2015 firmës “Mec Oil and Reffing sh.a.”;
2. Ditën që do bëhet shitja z.Murat Halli do ti paguaj 200,000 $ (200 mijë dollar amerikan);
3. Pjesën tjetër të pagesës 293,600 $ (dyqind e nëntëdhjetë e tre mijë e gjashtëqind dollar amerikan) do ti paguaj pas 5 muajsh nga data e shitjes;
4. Palët ka rënë dakort me kushtet e mësipërme;
5. Nëse njëra nga palët nuk i përmbush njërën nga kushtet e mësipërme do ti paguaj palës tjetër 50,000 $ (pesëdhjetë mijë dollar amerikan).
6.
Pasi palët kanë gjetur dakordësinë mes tyre dhe kanë përcaktuar kushtet e marrëveshjes mes tyre, kallëzuesi ka marra masa për të përmbushur pjesën e tij të detyrimeve, duke pranuar nënshkrimin e dy kontratave noteriale, një shitje dhe tjetra kapari. Përpara nënshkrimit të dy kontratave në fjalë, shoqëria e kallëzuar, përmes përfaqësuesit të saj ligjor, të kallëzuarit Murat Halli, i cili në atë kohë ka qenë dhe administrator i saj, kanë kërkuar me këmbëngulje që në kontrata të mos pasqyrohej çmimi real i shit-blerjes së pasurive, por të vendosej çmimi i referncës prej 151 lekë/ m2.
Kallëzuesi, duke menduar se përmes një veprimi të tillë të kallëzuarit mund të mos e shlyenin pagesën, ka kundërshtuar, duke i këkruar që në kontratë të pasqyrohej çmimi real. Në këtë moment, të kallëzuarit kanë kërcënuar se nuk do të nënshkruanin kontratat fare nëse pasqyrohej çmimi real, pasi nuk mund të deklaronin një shumë kaq të konsiderueshme, për shkaqet e tyre personale. Ndodhur përpara kësaj situate, si dhe i gjendur përball presionit të familjarëve të tij, të cilët kërkonin me ngulm realizimin e transaksionit, kallëzuesi ka pranuar dhe ka nënshkruar dy kontratat:
1. Kontratë Kapari Nr. 35 Rep, Nr. 31 Kol, datë 08.01.2016, Notere Publike Anila Haxhiu, me objekt shitjen e Pasurisë Nr. 159, Vol. 1, Faqe. 80, Zona Kadastrale 2891, Fier, me sipërfaqe 6156 m2, (të cilën “MEC Oil and Refining Co” sha në mënyrë të paligjshme e ka blerë nga Banka “Credins” sha, pa dieninë e kallëzuesit dhe nëpërmjet falsifikimit të dokumentave;
2. Kontratë Shitje Nr. 39 Rep, Nr. 35 Kol, datë 08.01.2016, Notere Publike Anila Haxhiu, me objekt shitjen e Pasurisë Nr. 161/3, Vol. 9, Faqe. 163, Zona Kadastrale 2891, Fier, Patos Fshat, me sipërfaqe 39,375 m2.
Nga ana e shoqërisë së kallëzuar, në kuadër të “Protokollit të shitjes” dhe dy kontratave të nënshkruara mes palëve, janë realizuar disa pagesa, konkretisht është paguar vlera prej 100,000 lekë, për kontratën e kaparit, është paguar dhe vlera 5,945,625 lekë, çmimi formal i shitjes së kontratës Nr. 39 Rep Nr. 35 Kol date 08.01.2016. Krahas sa sipër, rezulton se, në kuadër të shlyerjes së vlerës së plotë të shitjes, janë paguar edhe vlera 17,000 Dollar, 33,000 Dollar amerikan dhe 40,000 Dollar amerikan, sipas madat pagesave të nënshkruara nga njoftuesi dhe përfaqësues të shoqërisë.
Ndërkohë, pas këtyre pagesave, shoqëria ka ndërprerë kontaktet dhe nuk ka vijuar më tej me përmbushjen e detyrimeve ndaj kallëzuesit. Nga viti 2016 e në vijim, kallëzuesi në vijimësi është përpjekur për të gjetur një zgjidhje dhe për të realizuar të drejtat e tij ligjore.
Bejleri thotw se janë dhe denoncime të tjera të shumta, por vetëm sence gjyqsore ku me tepër përfitojnë nëpunësit prokurorët e gjyqtarët sesa pronarët…
