Basir Çollaku/ Privatizimi i drejtësisë/ hapet tenderi, shpallet fituesi!

Tender gjyqësor me objekt -Dosja “Partizani”
Ofertues -Këshilli Ministrave
Prokurues -Edi Rama
Fondi limit -Bindje absolute nga çdo prokuror, gjykatës e agjent i BKH
Financim nga buxheti i shtetit dhe donatorët “soros”
Afati -Nga themelimi deri në përhershmëri
Specifikime teknike:
-Irena të marrë të gjitha vendimet për pranim ofertash
-Zgjatja e mandateve sipas sjelljes së kryerjes së porosive
-ILD mund të nisë menjëherë procedime disiplinore për të pabindurit, çka sjell ndërprerje ose heqje mandati
-Linda, Avokat i Prokurimeve
-Për emergjencë bëhet me prokurim të drejtpërdrejtë, pa garë, me fitues të paracaktuar.
-Hyn në fuqi pas krijimit të qeverisë së mandatit të katërt nga Edi Rama….
Dosja “Partizani” në gjyq, është njëlloj tenderi dëshmues për privatizimin e drejtësisë, nga Kryeministri.
Ndonëse mori deputetë aq sa deshën bandat, Rama nuk e sheh veten fitues me kanibalizmin elektoral të 11 majit 2025, sepse po i bëhet gjyq publik botërisht, ndaj i duhet të mundë ndryshe opozitën, PD-në, Sali Berishën. Për këtë i shërben nisja e gjyqit ndaj të quajturës dosja “Partizani’ ku është shumë-sajuar akuza ndaj Berishës, nga një akuzë partiake. Kërkon të prodhojë lajmë rreth korrupsionit opozitar, kur gjendet i mbytur në akuza për të vetmin narkoshtet në Evropë. Akrobacitë në platforma e rrjete sociale, historitë me çitjane e atlete, gjunjëzimet komike ndaj grave nëpër botë, biografitë alla-moderne me piktura zyre, gaztorlleku me barcoleta fshati nëpër samite, biftekët e nusretit dhe klubi i dasmës “Soros”, nuk ia kanë dalë ta mundin kokainën dhe pastrimin e miliarda eurove, nën hyqmin dhe lejen e tij. Në këtë pikë trullosjeje, ai kërkon sërish një përdorje të dhunshmë të drejtësisë, Strukturës së Posaçme dhe Gjykatës, aty ku ka një thes të pafshehur me gjetje akuzuese për pushtetin. Nëse do të gatuash një dosje politike pa fakte penale, vër Irenën me plot mbiemra guzhiniere dhe e ke qarë çudi-dalldinë juridike. Në rresht janë KLP, KLGJ, PP e të gjithë bashkëtinglloret institucionale të shformuara nga partia. Pas katër viteve hetime, ka pyetje mjaft ku prokurorët nuk japin zë, as përgjigje. Shurdhmemecëria e tyre ka shkaqe. Në atë dosje, janë së paku tetë nënshkrime të Edi Ramës, si zyrtar publik, ku nis me atë si kryebashkiak i Tiranës, me ndërrimin e destinacionit të pronës, për investime, ndërtime. Sigurisht duke dhënë përgjigje kërkesave të ministrave socialistë në qeverisjen e mëparshme. Prokurorëve u mungon guximi profesional t’i shkruajnë emrin, por ia thonë kreu i Këshillit të Territorit të Bashkisë së kryeqytetit, thua ai është nga Azia e nuk e njohin.
A e ka thirrur SPAK Ramën ta pyesë, si e bindi stafi teknik, apo akademik, të firmosë?
Po ndonjërin nga ministrat e disa qeverive? Sepse nuk janë pak. Sa janë përgjegjës ose të pafajshëm? Po Gjykata e Posaçme, do të ketë takat ta thërrasë firmëtarin Rama, sepse është me të drejtë një nga kërkesat e përsëritura të mbrojtjes së Berishës ? Nëse e ftojnë për të qenë në një nga seancat, por ai refuzon si gjithnjë, a kërkon kjo praninë forcërisht të dëshmuesit, kushdoqoftë ai?
A kanë thirrur prokurorët Kryeministrin për shumë dosje, të cilat janë copëzuar, për të mos ngritur akuzën e organizatave kriminale, ku kryeson ajo e inceneratorëve e firmëtari për kompaninë fnatazmë të dosjes së djegësit të Tiranës, 430 milionë euroshe, është Rama?
Po për padinë e cila po thinjet prej katër vitesh si procedim penal në Prokurori, dosjen Rama-McGonigal, e rihapur në USA, pas dënimit të të korruptuarit nga zyra e Ramës drejtuesit të FBI? Një histori abuzimesh e favoresh ekonomike, apo edhe episode spiunazhi e moszbatime të sanksioneve amerikane për rusë e kinezë.
Po për investimet strategjike kryesisht në bregdet, ku shumë të akuzuar dhe pandehur të krimit të organizuar, të trafikut kombëtar e ndërkombëtar të kokianës, kanë marrë lejë ndërtimi, në fakt ajo është leje pastrimi parash, e dalë nga zyra e drejtuar prej Edi Ramës sa herë është thirrur të dëshmojë?
Po për 224 mijë metër katrorë tokë në Gjipe, për vëllazërinë Rama ku ka vendime lehtësim-përfitimi nga qeveria e drejtuar nga vëllai i madh, sa herë është thirrur në prokurori kryeministri?
Dosjet janë pafund, ku ato të sky-enchro e matrix janë me përfshirje ministrash, deputetësh, bashkiakësh, oficerësh policie, prokurorë, gjyqtarë, biznesmenë, gazetarë e trafikantë. Magazina është tejmbushur…!