Në mbështetje të Statutit të PLL, forumet drejtuese të partisë vendosën që në zgjedhjet parlamentare të majit 2025, partia të ishte pjesë e koalicionit më të madh opozitar – Aleanca për Shqipërinë Madhështore (ASHM).
Ky vendim, megjithë rezervat tona të djeshme dhe aktuale ndaj Partisë Demokratike, u konsiderua si më i miri në kushtet e Kodit Zgjedhor ekzistues, një kod thellësisht antidemokratik dhe si mundësia e vetme për të realizuar rotacionin politik, i domosdoshëm për vendin.
Për këtë kushdo duhet të ketë parasysh se PLL zgjedh dhe bën koalicion me subjekte politike që përfaqësojnë shumicën e elektoratit opozitar të djathtë, dhe jo me individë të caktuar kushdo qofshin ata.
Marrëveshjet dhe koalicionet tona janë të bazuara gjithmonë në parime dhe jo në interesa personale të momentit
Pjesëmarrja në Listën e Përbashkët të Koalicionit
Sipas dispozitave të Kodit Zgjedhor, të gjitha partitë brenda koalicionit garojnë me një listë të përbashkët prej 186 kandidatësh, prej të cilëve:
•46 janë në listë të mbyllur (të fiksuar)
•140 në listë të hapur
Me logon e PLL u përfshinë në këtë listë shtatë kandidatë:
1.Denisa Vata. – listë e mbyllur
2.Petrit Doda. – listë e hapur
3.Aulon Kalaja – listë e hapur
4.Ted Kopliku – listë e hapur
5.Ajet Gurguri – listë e hapur
6.Alketa Agolli – listë e hapur
7.Ismail Uka – listë e hapur
Dakortësia në lidhje me përzgjedhjen e këtyre kandidatëve ishte mbështetur në origjinën familjare të tyre, në integritetin dhe cilësinë e lartë që ata përfaqësojnë si figura me vlera intelektuale dhe shoqërore, përfaqësues këta të një fryme të re konservatore që Shqipëria ka nevojë sot më shumë se kurrë.
Strukturat e PLL u angazhuan maksimalisht gjatë fushatës elektorale, duke mbështetur fuqishëm jo vetëm kandidatët tanë, por edhe ata të koalicionit në çdo qark ku ne nuk kishim përfaqësues, në këto qarqe votat e legalistëve shkuan për kandidatët më të mirë të koalicinit opozitar ASHM.
Vlerësimi për Procesin Zgjedhor dhe Thirrje për Transparencë
PLL konsideron se këto zgjedhje ishin të manipuluara, ku mazhoranca aktuale përdori çdo mjet shtetëror për të deformuar vullnetin e qytetarëve, brenda dhe jashtë vendit. Ne kërkojmë me forcë që të gjithë institucionet shtetërore të hetojnë këtë masakër zgjedhore dhe që të gjithë përgjegjësit të përballen me drejtësinë duke siguruar kushte për zgjedhje të lira e të ndershme duke nisur kjo duke nisur me ndryshimin e Kodit Zgjedhor aktual.
Rezultatet dhe Rëndësia e PLL në Koalicion
PLL, për nga numri i kandidatëve në listat e përbashkëta z konfirmua si subjekti opozitar me peshë specifile më i votuar (pas PD-së) brenda koalicionit:
•Votat e mbledhura nga 6 kandidatët:
Gjithsej 26,400, në masën rreth 12.000 më tepër se në zgjedhjet parlamentare të vitit 2021 dhe rreth 3.000 më tepër se ato të zgjedhjeve lokale të vitit 2023, duhet theksuar në pesë qarqe ky numër votash.
•Kjo përfaqëson:
•1.65% të votave në shkallë vendi
•4.92% të votave brenda koalicionit.
Kandidatët e PLL arritën një mesatare prej 4,420 votash secili, përkundër një mesatareje prej 3,839 votash për kandidatët e subjekteve të tjera në listën e përbashkët të koalicionit.
Kjo tregon qartë fuqinë e qëndrueshme elektorale që gëzon PLL në bazë.
Ky rezultat reflekton jo vetëm elektoratin bazik të PLL, por integritetin dhe cilësinë e lartë të kandidatëve që përfaqësuan siglën e PLL si figura me vlera të larta të gjithanshme.
Vazhdimësia dhe Perspektiva
PLL falënderon nga zemra çdo qytetar që besoi dhe mbështeti kandidatët tanë. Ne jemi të vendosur të vazhdojmë punën me:
•Analizë të detajuar për këto zgjedhje.
•Riorganizim të strukturave tona
•Përgatitje graduale dhe serioze për zgjedhjet e ardhshme
Qëllimi ynë në të ardhmen mbetet një pozicionim më i qartë dhe më i fortë i PLL në spektrin politik shqiptar, në mbrojtje të vlerave konservatore dhe interesit qytetar e palëkundur në misionin e saj për një Shqipëri sovrane, të bashkuar dhe të integruar nën Kurorën Mbretërore, me Princin Leka II si Mbret të Shqiptarëve.
“Atdheu mbi të gjitha!” 🇦🇱
