Është Kryetari i Bashkisë Memaliaj, Albert Malaj që nëpërmjet rrjeteve sociale njofton si më poshtë:
Mirëmëngjes dhe fundjavë të mbarë 🌞 nga një prej krahinave më krenare dhe historike të Memaliajt – Levan, Allkomemaj, Rabije!
Jam këtu për t’ju dhënë një lajm të mirë: kemi nisur punimet për asfaltimin e rrugës Ninesh–Levan, me gjatësi 3 km një investim i realizuar me fondet e Bashkisë .
Kjo zonë, ashtu si shumë të tjera në Toskëri, për fat të keq ka jan lënë në harresë nga ata që flasin për një “Shqipëri 2030”, por harrojnë Shqipërinë reale atë që ende sot përballet me kushte të viteve ’80.
Toskëria ❤️ vendi i njerëzve punëtorë, fisnikë dhe krenarë – meriton më shumë!
Rruga e Levanit, Allkomemaj, Rabies e shumë të tjera janë bërë simbole të neglizhencës ndër vite.Puna e një qeverisjeje nuk matet me fjalë, por vepra.
Atraksionet tona turistike janë të izoluara, pa rrugë që lidhin fshatrat dhe që mundësojnë zhvillimin e turizmit, arsimit cilësor, bujqësisë dhe blegtorisë – shtylla të gjalla të ekonomisë lokale.
Të dashur banorë – ju që më telefononi, më shkruani nga larg, por edhe ju që flasim çdo ditë – më thoni shpesh: “Mallakastra, Tepelena, Vlora i kanë shtruar të gjitha rrugët.” Po, i kanë shtruar – dhe vazhdojnë t’i shtrojnë – por me fondet e Qeverisë dhe të Fondit Shqiptar të Zhvillimit.
Ndërsa ne, si Bashki, po i realizojmë vetë këto investime.
Deri më sot kemi paraqitur të paktën 10 projekte vetëm për rrugë, por asnjë nuk është miratuar – për arsye që, besoj, ju i kuptoni vetë…
Toskëria nuk duhet dhe nuk do të jetë më një pikë e harruar në hartën e zhvillimit!
Ne jemi këtu me projekte konkrete, me vullnet dhe me dinjitet, për të kthyer këtë realitet në një histori suksesi.
