Basir Çollaku/ 25 dosje Mafie politike shqiptare në Europol, përse nuk i merr, apo nuk ia japin SPAK

Nuk është sekret. Nuk është befasi. Por nuk preken dhe hetohen. Nuk ka besim. Apo?!?! 25 dosje “Mafie politike” janë në Europol dhe nuk kanë ardhur në Tiranë. Janë prodhuar nga transkriptimet e sky-enchro Matrix. Qeveritë evropiane si ato gjermane, franceze, italiane, britanike, belge, spanjolle, holandeze etj e dinë me detaje. Struktura e Posaçme natyrisht duhet të ketë dijeni. Aty janë ministra deputetë kryebashkiakë zyrtarë të lartë, prokurorë, gjyqtarë, gazetarë, biznesmenë. Sigurisht përmendet edhe emri i Kryeministrit siç ka deklaruar muaj më parë Rama publikisht. Në këto fashikuj ka krim të organizuar. Ka trafik kombëtar e ndërkombëtar drogave të shtrenjta heroinë dhe kokainë. Ka pastrim parash të ardhura nga këto paligjshmëri ekstreme. Dy ditë më parë në Apelin gjyqsor në Belgjikë rikthehet gjykimi për Black Eagle mbi 40 të pandehur shqiptarë e kolumbianë në botën e kokainës. Miliarda euro të investuara në Shqipëri thuhet në proces. Në Aruba ministra e biznesmenë shqiptarë duke ndarë e kafshuar bregdetin dëshmohet në seancë. Një ministër me orë dhuratë 400 mijë euro dalin po aty të dhënat nga dosja. Si nuk kërkon të dijë zyrtarisht SPAK kush e ka dhënë nga trafikantët dhe kush e ka marrë nga ministrat atë bakshish me vlerë 400 mijë euro?! A ka kërkuar Struktura e Posaçme zyrtarisht dosjen në Belgjikë dhe në Spanjë ku sektori politik i kësaj prokurorie ka shumë xhevahire investigimi?! A kanë nisur verifikimet për ministrin dhuratëmarrës?! Po Kryeministri Rama a kërkon të zbardhet ky episod hetimi, për orën afro gjysëm milioni euro në kabinetin e tij ?! Se ai është edhe merakli orësh. Po lejet për hotele e investime të dakortësuara me trafikantët në Aruba, zotërim i Holandës, cilët ministra e krerë organizatash shqipfolëse të trafikut të kokainës kanë qenë?! A kishin ata leje dhe bekim nga Kryeministri Edi Rama, që natyrisht nuk duhet të ketë qenë pjesëmarrës në këtë tryezë Pis-nesi?! A kërkon të dijë SPAK, Rama dhe DEA kush janë emrat në këto 25 dosje me Mafie shqiptare politike?! A vazhdojnë lejet investimesh grupeve kriminale?! Po! A janë sërish në parlament e pushtet këto të pandehur të munguar nga dosjet sky-enchro të paardhura ende.?! Sigurisht shumica dërrmuese Po. Apo duhet dhe vazhdon të ndodhë si me operacionin e koduar URA. Ku arrestet e shkurtit nga antimafia italiane, u kërkuan me 19 mars nga Prokuroria, u konfirmuan nga Gjykata e Posaçme me 30 prill por u lajmëruan me 20 maj. Kjo është leje për të vrarë pavarësinë dhe zgjedhjet njëherësh. Tregtia me drejtësinë prodhoi përsëri skllavërinë ligjore ndaj një individi. Ata 25 dosjet e Mafies politike shqiptare, kërkojini. Sigurisht nëse ju lënë. Mbase në të njëjtën ditë kur të nënshkruani marrëveshjen e ekstradimit me Emiratet e Bashkuara, me leje të çunave të Dubait..Deri atëherë zgjedhjet janë me koncension te këta dosje..