Është një shprehje që ka hyrë në gjuhën e zakonshme për të përshkruar një lidhje të veçantë midis viktimës dhe ekzekutorit.
Nga vjen saktësisht ky term?
Origjina e saj është e lidhur me një ngjarje të vërtetë lajmi, një histori e pabesueshme te ndodhur ne vitin 1973, në Stokholm.
Gjatë një grabitjeje në bankën Kreditbanken në sheshin Norrmalmstorg, katër punonjës u mbajtën peng për më shumë se pesë ditë.
Në ato mbi 130 orë robëri, ndodhi diçka krejtësisht e papritur.
Pengjet, në vend që të zhvillonin vetëm frikë dhe pakënaqësi, filluan të tregonin një lidhje të habitshme emocionale me rrëmbyesit e tyre. Ata madje filluan ta kishin më shumë frikë ndërhyrjen e policisë sesa vetë grabitësit, duke i mbrojtur ata edhe pas lirimit të tyre.
Ky paradoks psikologjik, kaq tronditës dhe në kundërshtim me çdo logjikë të dukshme, preku thellësisht opinionin publik dhe ekspertët.
Ishte nga ky episod, nga reagimi i atyre pengjeve të Kreditbanken, që kriminologu Nils Bejerot shpiku termin “Sindroma e Stokholmit”.
Një histori e vërtetë që i dha emrin një fenomeni kompleks psikologjik.
Nga Saimir Kadiu
