Kam një lutje për ty votues i heshtur.
Për ty votues që e ndjen vetën të pavleresuar.
Ndërsa na ndajnë edhe dhjetë orë nga fillimi i heshtjes zgjedhore, zgjedhësve ju mbeten edhe dy ditë që të vendosin se ku do ta hedhin votën e tyre me 11 Maj.
Militantët, simpatizantët e partive si edhe individët e angazhuar politikisht, pa dyshim që e kanë vendosur me kohë se kujt do t’ja japin votën e tyre.
Këto kategori zgjedhësish përbëjnë edhe numrin më të madh të votuesve në çdo palë zgjedhje, qofshin ato vendore apo kombëtare.
Qofshin ato të zakonshme apo të jashtëzakonshme, siç janë për mua zgjedhjet e ditës së dielë, të cilat i kapërcejnë kufijtë e të zakonshmes për shumë e shumë arësye.
Po përmend vetëm disa prej arësyeve që sipas meje i bëjnë zgjedhjet e 11 majit të pazakonshme.
a-Mazhoranca kërkon mandatin e katërt, pas një sjellje armiqësore dhe autoritare me çdo faktor opozitar.
b-Korrupsioni qeveritar dhe krimi i organizuar janë shkrirë me njëra tjetrën dhe kanë humbur kufirin ndarës mes tyre.
c- Drejtësia si kurrë më parë në këto 35 vite është një “make up” propagandistik, instrument i kontrolluar nga i pari.
Ku “këllefin” jua ka dorëzuar versnikëve të tij, ndërsa “shpatën” e helmuar e ngul ngado që ti vijë rreziku i karriges së pushtetit.
d-Varfëria është shndërruar në epidemi kombëtare. Luksin për të jetuar mirë e kanë rreth 100 mijë vetë, ndërsa për ty “mbytur në luks” jo më shumë se 10 mijë prej shifres së cituar.
Në këtë top listë përfshihen zyrtarë të lartë, biznesmenë, familjarë dhe njerëz të lidhur me politikën dhe krimin e organizuar.
Besoj se të gjithë jemi dakort që pa hulumtuar më tej zgjedhjet e të dielës janë të jashtëzakonshme.
Gjithashtu është e lehtë të arrihet në konkluzionin që militantët, simpatizantët dhe njerëzit e angazhuar politikisht përbëjnë rreth 60% të votuesve aktiv.
Pra fati i zgjedhjeve të së dielës është në dorën e 40%-it, në dorë të pakicës!!!
Po çfarë përfaqëson realisht kjo pakicë?!?
A janë ata të korruptuar?
JO .
A janë ata të lidhur me krimin e organizuar?
JO dhe JO.
A jetojnë ata në luks?
Jo dhe PIK.
Po cfarë i mban larg zgjedhjeve, larg kutive votimit|?!?
Pse janë skeptic dhe indiferente???
Përgjigjia ime është e thjeshtë, ata nuk e dinë se sa të rëndësishëm janë për familjen e tyre, për demokracinë dhe për Shqipërinë.
Këtij grupi interesi jetik për vendin jo për fajin e tyre, por të politikës së mbrapshtë ju është mohuar vlerësimi dhe kontributi ndër vite, dhe për pasoj ata e ndjejnë vetën të parëndësishëm, të përjashtuar, të panevojshëm.
Unë do tu kujtoj këtyre burrave dhe grave, këtyre të rinjëve e të rejave një shprehje të njërit prej burrave më të famshëm që ka njohur Amerika, Ralph Waldo Emerson , edhe ai ashtu i heshtur dhe i fshehur si shumica prej jush;
“Çdo mur është një derë, BËHU AI QË U HAP DYERT ATYRE QË VIJNË PAS…”
Ndaj voto ditën e dielë.
Ti ke në dorë të ndryshosh fatin tënd, fatin e familjes tënde, fatin e vendit tënd.
