Disa të vërteta për shkollat dhe nxënësit në dy ‘kohë’. Profesor Ndriçim Mehmeti replikë me kryeministrin Rama: Ke 260 mijë nxënës e 180 mijë student më pak nga çasti kur vure këmbë në Kryeminstri. Shtypeshin 60 mijë abetare të reja në 2013, sot 19.860.
Reagimi i plotë:
Për sqarim Komandant se ndoshta të ka futur në qorrsokak Lindita me Ogin
Fare rastësisht pashë se kishe deklaruar se nuk kishte lek as për shkumësa në 2013. Per të të ndihmuar, po të rreshtoj disa fakte, se ata që rrinë afër teje, hanë kumbulla e dardhe pas kurrizit tënd e të thonë gënjeshtra
1. Në 2013 kishte 2100 laptop dhe projektor, nga 1 për çdo shkollë të arsimit parauniversitar;
2. Kishte 1 kompjuter për 2 nxënës, në çdo kabinet të TIK, në të gjitha shkollat e arsimit parauniversitar:
3. Nga 2006-2013, u ndërtuan të reja dhe u rinovuan nga e para, 1758 shkolla, nga 2100 që kishte gjithsej. Kostot e ndërtimit dhe riparimit nuk i kalonin 350 mijë euro mesatarisht. Sot kanë mbetur vetëm 1470 shkolla, me një infrastrukturë mesjetare dhe klasat kolektive janë dyfishuar;
4. Të kanë avulluar nja 260 mijë nxënës, sa vure këmbë në Kryeminisitri e 180 mijë student. Shtypeshin 60 mijë abetare të reja në 2013, sot 19.860.
5. Në PISA, je në të njëjtin vend në Xhamajkën dhe Autoritetin Palestinez.
6. Fëmijët me aftësi dhe nevoja ndryshe kanë si ndihmës mësues prindërit, se shteti nuk jua siguron dot;
7. Të janë vrarë e plagosur me shumë 25 fëmijë brenda, në dyert e shkollës dhe në rrugicat pranë saj.
Nëse do fakte të tjera, mund të t’i jap me shumë dëshirë e përgjegjësi.
Shiko Komandant e merr informacione të sakta, se po të marrin më qafë, ti, që gjumi nuk të zë për këtë popull.
