Nga Ylli Asllani
Janina, qyteti parë evropian përtej kufirit që dua më tepër!
Qyteti ku shumë miq të mi kanë gjetur plotësimin e aspiratës së tyre për një jetë të kulturuar, të begatë e normale!
Dita ditës po merr pamje gjithëpërshirëse … , që të kujton thënien e Sokratit: “Nga këtu mund të ndihesh vetëm qytetar i botës, as grek, as…”
Në këtë kuptim Janina brenda saj ka një miniaturë të shoqërisë shqiptare, zhvendosur në territoret e vendit fqinjë këto tre dekada!
Një diasporë, e cila në thelb përmban një pjesë cilësore të jugut të Shqipërisë!
Në Janinë do të gjesh mjeshtër, zanatçinj, fermerë, blegtorë e punonjës ndërtimi…! Aty të ingranuar me sukses në jetën greke ushtrojnë profesionin e tyre mjekë, inxhinierë, bisnesmenë, muzikantë, artistë, gazetarë, sportistë dhe shumë studentë e pedagogë nga jugu shqiptar!
Por ka më shumë se një dekadë që në Janinë po investojnë kursimet e tyre edhe shumë bij e bija gjirokastritë e investitorë të tjerë shqiptarë në ndërtim agrobisnes e fusha të tjera! Kjo për shkak të lehtësive, transparencës dhe garancive që japin intitucionet dhe autoritetet greke!
Në një farë mënyre kjo diasporë po përjeton këtu, gjithsesi një realitet evropian me të mirat dhe difektet e veta…
E dallova këtë fakt në mentalitetin e tyre, kur si kordinator i PD për Greqinë takoja miqtë e mi gjirokastritë, dropullitë, përmetarë, memaliotë e tepelenas gjatë kësaj fushate!
Na brengos realiteti aktual në Shqipëri… Nuk na interesojnë shumë siglat e partive, por cilësia e kandidatëve dhe projekti konkret i çdo koalicioni, ishte lejtmotivi tyre!
Gjatë kësaj kohe kam konstatuar se diaspora ka një panoramë më realiste se vetë ne për deformimin e demokracisë dhe moralit në Shqipëri!
Nga ana tjetër ata i kanë të gjithë kapacitet profesionalë, kulturën administrative dhe potencialin financiar për të ofruar një mundësi të re në vendlindjet e tyre..!
Edhe një javë na ndan nga 11 Maji!
I falenderoj përzemërsisht për pritjet e ngrohta, takimet, bisedat e aktivitetet e frytshme, si dhe atdhedashurinë e vizionin e qartë për të ardhmen, dhe veçanërisht për entuziazmin, vullnetin e shpirtin e lirë e demokrat që manifestoni!
Bashkë me përgëzimet kam së fundi një kërkesë për ju miqtë e mi të cilët që jetoni në Greqi dhe tashmë mund të votoni edhe në atdheun mëmë:
Këtë fund javë planifikoni të kapërceni kufirin, nxitoni në vatrat e të parëve dhe me votën tuaj jepni një shans dëshirës për tu rikthyer dhe një perspekrivë të re familjeve tuaja në Shqipëri
