Osman Stafa
Në SHBA po diskutohet mbyllja e TIK-TOK. Atje e lidhin me vjedhjen e të dhënave nga Kina.
Në vendin tonë duhet të lidhet me probleme sociale të forta.
Bullizmi me qëllim memet, është bërë i frikshëm.
Bullizmi i qëllimshëm e dashakeq, është bërë i papërmbajtshëm.
Video, montime në funksion të gjuhës së urrejtjes është një tjetër problematikë e kësaj platforme.
Kemi pasur raste të rrëmbimeve të personave, si pasojë e konfilkteve të nisura në këtë platformë.
Kemi pasur zënka, sharje me rop shpie, e me ç’tu ketë ardhur për mbarë të atyre që ndiqen nga mijëta vetë.
Kemi pasur një vetvrasje të një nëne të re, për shkak të publikimit të videove të saj intime në tik tok.
Individë pa asnjë peshë intelektuale, pa asnjë talent, apo pa mesazh pozitiv për t’i përcjellë publikut janë bërë të famshmit e momentit.
Prandaj unë mendoj se edhe në Shqipëri duhet të diskutohet mbyllja e kësaj platforme. Patjetër ka edhe njerëz pozitiv në platformë, që promovojnë zërin e bukur, kërcimin, batutat e bukura, por negativiteti mbart një peshë shumë më të madhe.
Unë jam dakord që si pasojë e bullzimit, gjuhës së urrejtjes, kërcënime për vrasje, etj, kjo platformë të mbyllet!
