Sipas gjermanes “Bild”, pak para nisjes ka pasur një alarm për dy shpërthime nga ajri në aeroportin Ben Gurion, teksa Scholz kishte hipur tashmë në avionin qeveritar, ndërsa u është kërkuar që të gjithë të zbrisnin nga avioni dhe të shtriheshin në tokë.
Mësohet se shpërthimet kanë qenë të raketave të lëshuara nga sistemi i mbrojtjes ajrore të Iron Dome të Izraelit, për rrëzimin e raketa të lëshuara nga Hamasi.
Sipas informacionit të BILD, BKA më pas kontrolloi avionin qeveritar dhe makinën me të cilën Scholz është evakuuar.
Pas disa minutash, pasagjerët kanë mundur të kthehen në avion. Pas evakuimit të përkohshëm, avioni më pas mori rrugën nga Tel Avivi në Kajro.
Alarmi i raketave filloi papritmas në Tel Aviv në orën 18:33 me orën gjermane, ndërsa kancelari po zhvillonte diskutime politike. Scholz ishte në ambasadën gjermane kur ra alarmi i sulmit ajror dhe shkoi menjëherë në një strehë.
Kancelari ishte kreu i parë i qeverisë gjermane që vizitoi shtetin hebre pas sulmit të Hamasit më 7 tetor dhe shprehu solidaritetin e tij të palëkundur me Izraelin.
