Përgatiti Besnik Ismailati
Pickimet e grerëzave shpesh herë shkatojnë edhe reaksione të lëkurës , të cilat zakonisht shoqërohen me ënjtje lokale dhe inflamacion të dhimbshëm në zonën e prekur. Në shumicën e rasteve këto simptoma largohen pas disa orësh .
Tek njerëzit më të ndjeshëm, pickimi i grerëzës mund të shkaktojë reaksion alergjik lokal , me shfaqjen e eritemës, edemës dhe dhimbjes intensive, ose sistematik , me manifestime më shqetësuese, si urtikarie, marramendje, vështirësi në frymëmarrje dhe në rastet më akute edhe shok anafilaktik.
Çfarë duhet të bëjmë kur na pickon grerëza?
Grerëzat priren të mos e lënë thumbin e tyre në lëkurë, siç ndodh në rastin e pickimit të bletës. Për këtë arsye ato mund të thumbojnë disa herë në një kohë të shkurtër.
Në thelb, sapo të pickoheni nga ndonjë grenzë, duhet të largoheni me shumë qetësi dhe të gjeni një vend të sigurt ku më pas mund ta trajtoni pickimin.
Si ta kurojmë pickimin e grerëzave?
Në shumicën e rasteve pickimi i grerëzave nuk krijon simptoma serioze. Për të kufizuar simptomat e sipërpërmendura, mjafton të aplikoni kompresa me ujë të ftohtë dhe një krem antihistamine ose kortizon kur jeni alergjik.
Për të rregulluar kruajtjet, djegiet dhe dhimbjet mund të përdorni edhe ilaçe të ndryshme efektive natyrore me xhel Aloe Vera .
Nëse dhimbja është shumë e fortë ose ënjtja prek një zonë gjithnjë e më të madhe të lëkurës, është e rëndësishme të konsultoheni me mjekun specialist.
Në disa raste reaksioni nga pickimet e grerëzave mund të arrijë intensitetin maksimal edhe pas 24 orësh, por çdo reaksion alergjik mund të shkojë edhe përtej 7 ditëve.
Në disa raste pickimi nga grerëzat mund të jetë një reaksion i përgjithësuar i llojit toksik , i cili në përgjithësi manifestohet në rastin e pickimeve të shumta. Në këto kushte, helmi mund të shkaktojë të ashtuquajturin reaksion toksik, që manifestohet me nauze ( rrufë), të vjella, marramendje, konvulsione dhe temperaturë.
Në çdo rast, në këto kushte është thelbësore të konsultoheni me mjekun , për të shmangur çdo helmim apo dëmtim të indit muskulor , sëmundjet e zemrës dhe dëmtimin e veshkave.
Bezdi dhe shqetësime të vogla, por pa probleme, prandaj nuk duhet ngacmuar foleja e arzave.
