Shkarkimet politike janë tashmë prioriteti i Bashkisë Shkodër duke u zgjedhur piku i sezonit turistik dhe temperaturat e larta, me qëllimin e vetëm që largimet nga puna të realizohen pa bujë të madhe dhe pa bërë zhurmë meqë njerëzit janë të zënë me pushime.
Radha i erdhi drejtoreshës së Shërbimit Social, Strehimit dhe Shëndetit Publik në Bashkinë Shkodër, Imelda Kraja. Prej 1 muaji znj.Kraja I është ushtruar presion psikologjik për të dhënë dorëheqjen nga vetë kryetari Beci dhe stafi I Tij I ngushtë I transportuar nga Tirana, duke I kujtuar edhe angazhimin politik në fushatën zgjedhore të ish kryebashkiakut z.Spahia.
Znj.Kraja I ka kërkuar një pozicion tjetër pune në këmbim të dorëheqjes, kërkesë kjo që I është mohuar. Nuk ishte z.Beci ai që shkarkoi ish drejtoreshën e Bashkisë sepse prej 1 jave ka marrë pushimet dhe firmën e ka deleguar tek zëvendësi I Tij Rudin Beka, I cili ka qënë edhe ‘lajmëtari’ I shkarkimit të Saj, pas një retorike plot presion dhe krejtësisht të pavënd për një njeri të dijes, I cili do duhej të përdorte së paku një fjalor të moderuar përballë një femre.
Imelda Kraja është një grua, nënë, bashkëshorte, që ka të drejtën e Saj të besojë në një forcë politike dhe të japë kontributin e Saj. Ajo është drejtuese e Forumit të Gruas së PD-së për Shkodrën prandaj dhe u shkarkua politikisht, pa I dhënë të drejtën të ketë një pozicion tjetër në Bashki, por u zgjodh “flakja në rrugë” si një e deklasuar nga partia në pushtet.
Buzëqeshja qytetare e kryebashkiakut të Shkodrës ka filluar të shpërfaqë ndjesitë politike të përbrëndshme, ‘urrejtjet’ politike për Ata me të cilët në 2013-tën bënte fushatë për PD-në, madje duke folur si një nga eksponentët me shumë tagër dhe të afërt të kryeministrit të asaj kohe, Sali Berisha. Me 1 Prill 2013, z.Beci u shfaq në Konventën e Partisë Demokratike për Punësimin atëherë kur demokrati I djeshëm dhe socialisti I sotëm besonin tek logoja e Partisë Demokratike “Ne jemi ndryshimi, Përpara” (foto më poshtë)
Sot qytetari I parë I Shkodrës (përmes të ngarkuarit të tij për shkarkimet që do vijojnë) la pa punë një grua, një nënë. E hodhi jashtë dyerve të Bashkisë, pa I ofruar një tjetër pozicion pune. Harroi letrën e Tij të shumëpërfolur elektorale, hodhi poshtë edhe porosinë e kryeministrit të Tij (përmbajtja e letrës dhe video-porosia e kryeministrit Rama poshtë)por veproi jo si qytetari I kulturuar I Shkodrës, por si një hakmarrës ndaj atyre që kontribuan në fushatën e kundra-kandidatit tjetër, me të cilin 10 vite më parë ishin kolegë partie.
Imelda Kraja sot ishte ‘viktima’ e parë femër e forcës përjashtuese të Bashkisë së re, nesër do jetë një tjetër, pasnesër një tjetër e kështu me radhë deri në ‘pastrimin’ përfundimtar të blu-së në korridoret e zyrat e Bashkisë e zëvendësimin me lejla-në riindase.
Këto largime të padrejta, sidomos ndaj grave kërkojnë reagim në mënyrë që Shkodra e kulturës dhe dijes të japë shembullin e para se nuk pranon diskriminime të tilla politike.
Politika nëse nuk ka shpirt të paktën duhet të paraqesë një farë morali dhe më vjen keq që Shkodra po shfaqet e pamoralshme politikisht nga një kryetar bashkie I cili vetëm pak muaj më parë gjatë fushatës së Tij elektorale foli shumë moralshëm për qytetarinë e pashoqe që e karakterizonte si njeri dhe si një teknicient që do drejtonte Bashkinë pa politikë.
…ishte thjeshtë propaganda e radhës, dhe koha po e vërteton!!!
(në foto të ballinës, nëpunësja Imelda Kraja dhe Benet Beci)
