Personat që shihni në foton e ballinës janë Leonard Nikolli, 44 vjeç, pronari i agjencisë së transportit rrugor ndërkombëtar të udhëtarëve “GREMEL“, si dhe shoferi i autobusit Ergys Sadikaj, 34 vjeç, të dy banues në Durrës, ku u gjetën në autobus mbi 121 mijë euro të padeklaruara në portin e Durrësit.
Pronari Leonard Nikolli u vu në pranga nga policia në kuadër të operacionit të koduar “Fluksi”, ndërsa shoferi Ergys Sadikaj, u procedua penalisht në gjendje të lirë.
Në autobusin e kompanisë “GREMEL”, të linjës “Durrës-Bari-Durrës”, policia kufitare gjeti 121 680 euro të padeklaruara.
Shuma e parave ishte fshehur në tavanin e autobusit, me qëllim mosdeklarimin konform ligjit
Në drejtimin e Prokurorisë, vijojnë hetimet për dokumentimin e plotë ligjor të këtij rasti.
