– Shpërblimin e punës nuk mund ta marrësh prej atyre që nuk e kuptojnë atë që bën.
– Kurrë mos ia paraqit punën atyre që nuk dinë.
– Kurrë mos debato me atë që nuk di.
Një nxënës pikture përfundoi kursin pranë një mjeshtri, i cili para se ta përcillte e këshilloi qe, pikturën e fundit që kishte mbaruar, ta vendoste në një shesh ku kalonin shumë njerëz dhe, pranë saj të linte nje laps të kuq dhe një shënim, ku t’u lutej kalimtarëve të shënonin me laps vendet që mendonin se ishin gabim në pikturë.
Kur nxënësi u kthye pas disa ditësh, vuri re se tabloja ishte mbuluar me kryqa të kuq.
I mërzitur jashtë mase shkoi pranë mjeshtrit dhe i tregoi rezultatin. Mjeshtri e këshilloi të mos mërzitet dhe ta bëjë përsëri pikturën.
Më pas i tha ta vendoste përsëri në shesh.
Mirëpo kësaj rradhe i tha të vendoste pranë disa penela me bojra të ndryshme. Dhe prane tyre të shkruante një shënim ku t’u lutej kalimtarëve të korigjonin me penel vendet që nuk u pëlqenin në pikturë.
Nxënësi bëri ashtu siç e porosoti mjeshtri dhe kur u kthye pas pak ditësh, pa se piktura nuk ishte prekur fare.
Kur ia tregoi mjeshtrit ai i tha:
“Herën e parë u dhe mundësi njerezve të të kritikojne dhe ata e bënë këtë në mënyrë të pamëshirshme. Madje edhe ai që nuk ka bërë kurrë një pikturë në jetën e tij, i ka bërë disa kryqa.
Herën e dytë u kërkove të jenë kontribues, pozitive dhe krijues. Mirëpo askush nuk guxoi të beje diçka që qe nuk e njeh.
– Shpërblimin e punës nuk mund ta marrësh prej atyre që nuk e kuptojnë atë që bën.
– Kurrë mos ia paraqit punën atyre që nuk dinë.
– Kurrë mos debato me atë që nuk di.
Nga faqa e Rexhep Shahu
