Referuar daljes së fundit të KM Edi Rama në lidhje me ankesën e zonjës pensioniste e cila del që në orën 5 – 6 të mëngjesit për të marrë shërbim në poliklinikat e shërbimeve shëndetsore publike në Shqipëri dhe vonesën e mjekëve në punë.
Duke qenë se në daljen tuaj duket dukshëm që nuk keni informacion të saktë mbi funksionimin e strukturave publike shëndetësore parësore po ju bëj me dije:
Poliklinikat e Shërbimit Shëndetësor Parësor fillojnë punën në orën 7:30 – 20:10. Ky orar sipas ligjit është transparent dhe i afishuar te dera kryesore e çdo institucioni, siç e kërkon ligji.
Nga ora 7:30 – 8:00 shërbimi laboratorik është i pari që hapet dhe merren analizat e të gjithë pacientëve të planifikuar për ditën përkatëse.
Dalja e çdo pacienti në orën 5 apo 6 të mëngjesit në pritje të fillimit të orarit zyrtar, mund t’i ktheni përgjigje edhe mikut tuaj të shqetësuar për nënën e vet, është zgjedhje e nënës, jo tregues i keqfunksionit të shërbimit publik shëndetsor parësor. Çdo mbërritje në punë në orarin zyrtar, nqs pacienti pret në rrugë që në orën 5 apo 6 të mëngjesit, vonesë do duket, sigurisht. Por kjo nuk duhet të artikulohet nga ju si e tillë se është GAFE e madhe. Një KM nuk duhet të flasë pa patur informacion të saktë, sepse gabimi mban peshën e postit të atij që nxjerr fjalët nga goja.
Ashtu si edhe keni dijeni besoj në lidhje me investimet që keni bërë në shëndetësi, një prej tyre quhet Sistemi i Referimit i cili ka kosto mirëmbajtje mbi 150 milion lekë në vit. Për infon tuaj, mqs nga komunikimi juaj i fundit rezulton qe nuk e dini si funksionon, për të përmirësuar cilësinë e shërbimit, pacientët planifikohen të vijnë në fasha orare të mirëpërcaktuara pikërisht që të mos ketë mbidyndje dhe pritje rradhësh të gjata.
Nëna pensioniste e mikut tuaj që ju ka sjellë ankesën, duhej të kishte në rekomandimin e saj një nga fashat orare të mëposhtme:
8:00 – 10:00, 10:00 – 12:00, 12:00 – 14:00, 14:00 – 16:00, 16:00 – 18:00 dhe 18:00 – 20:00.
Informoni mikun tuaj që mos e lërë nënën e vet të dalë që në oren 5 të mëngjesit nga shtëpia, pavarësisht se është udhëzuar qartësisht nga mjekja e familjes mbi këtë çështje.
Një problem tjetër që ngrini është ardhja me vonesë në punë e stafit mjekësor. Ky është një problem që konstatohet dhe zgjidhet në nivel drejtorish përkatëse i nderuar Z. Kryeministër. Kujdes me këtë autogol sepse në të gjitha kontrollet që bëhen nga strukturat përkatëse, rezulton e kundërta e asaj që thoni. Informohuni!
Nqs ky është një lloj presioni që doni të ushtroni mbi 1763 mjekë dhe 6675 infermierë të shërbimit parësor, se mund të hiqen nga puna sepse mamaja e shokut tuaj ankohet për mjekët, po guxoj t’ju them se mbi supet e këtyre njerëzve hodhe gjithë peshën e pandemisë së kobshme, kur mori përmasa të cilat nuk i kishit parashikuar, Pa orare, Pa bonuse, Pa asnjë vlerësim. Janë pikërisht kjo armatë njerëzish, arsyeja pse taksapaguesit shqiptarë trokasin ende nëvdyert e shërbimit publik. Numrat e telefonave personale, të cilat u bënë publike pa konsent, në kohën e pandemisë, përgjigjen edhe sot jashtë orarit zyrtar, sepse ndryshe nga administrata publike, puna e mjekut vetëm me oret e punës nuk matet, i nderuar Kryeminister.
Do ju kerkoja te pyesnit ate shokun/mikun:
1. Sa e ka pensionin mamaja e tij?
Ne presim pensionistet ne keto institucione ku nuk ngurojne te ankohen edhe per kete ceshtje jetike. Pikerisht se gjejne ambient mikprites guxojne e flasin halle shtepie. Nuk na del! Shyqyr na ndihmojne femijet! Ky eshte refren i perditshem.
2. Sa % te pensionit te saj paguan per medikamentet ( pertej vleres qe mban receta e rimbursimit) per te marre medikamente qe i bejne derman? Po ju flas me gjuhen e pensionisteve i nderuar.
3. Ndoshta mamaja e mikut tuaj eshte me fat qe e ka djalin ketu. Hajde nje jave te vetme te shikosh sa pensioniste qajne nga malli i femijeve qe i kane larg Shqiperise dhe nga rendimi psikologjik ju rendohen edhe semundjet kronike.
Qe te mos zgjatem me, nuk eshte tentativa e pare kjo qe beni tabele qitje mjeket e infermieret, kur greminat e shendetsise shqiptare jane aty, para syve tuaj dhe jane realitet ku po mbyten pensionistet, mjeke e infermiere, e te gjithe te semuret e ketij vendi.
Nese ka nje vlere te vetme ky Sistem Shendetsor Publik qe eshte Falas, qe buron nga ndjenja humane dhe vokacioni i profesionit, keta jane Mjeket dhe Infermieret e ketij vendi.Nuk ka page qe i vlereson sa duhet! Mos guxo t’i prekesh!
Ti, Jo!
Alkerta Ibranji
Mjeke Alergologe‐Imunologe, Shërbimi Publik Parësor
