Mjekët në mbarë botën njihen si kasta më e edukuar e njerzve, si qytetarë brilantë e shembullorë kurse në Shqipëri punojnë prej vitesh të nën presion, të keqpaguar, të ofenduar por prapëseprapë nuk reagojnë, nuk solidarizohen!
Nëqoftëse të kontrollojmë të dhënat e Bankës Botërore si dhe ato të Eurostat, të dhënat janë poshtëruese per ne si mjekë, drithëruese për pacientët tanë.
Aty ka detaje për paratë që harxhojnë qeveritë pr banorë, numrin e shtretërve, numrin e mjekëve, numrin e infermierëve si dhe shumë detaje që mund ti verifikojë secili ngeshëm.
Shumë mjekë dinjitozë të cilët vlerësojnë më fort, DINJITETIN dhe LIRINË, që nuk pranojnë dot t’i drejtojnë e përdhosin patronazhistët injorantë, të paaftët, delenxhinjtë, sot kanë ikur nga vendi , të tjerë po bëhen gati për të ikur!
Mjekët belgë i kthyen shpinën kryeministres Sophie Ëilmes në slitalin Sant Pierre në lagjen Marollen, ndërsa kryeministri italian Conte nuk guxon të shkojë dot në një spital, pasi bluzat e bardha do ta kryqëzojnë me kritika.
Për opinionin tim është tejet turpëruese që mjekët të duartrokasin kryeministrin, ministren, partinë (!!!) ndërkohë që sistemi shëndetësor në Shqipëri këto vite në vend të përmirësohet po degradohet.
Sot ka fshatra pa mjekë e pa infermierë, qytete të vogla pa mjekë, pa specialistë, ndërsa shërbimi mjekësor është gjithmonë e më i shtrenjtë për xhepat e qytetarëve, ndërkohë që u premtua falas.
A do të vazhdojmë të jetojmë me frikë të dashur kolegë ?
Përse duhet që të nënshtrohemi ndaj qeverisë, e cila duhet doemos të na trajtojë me dinjitet si qytetarë, si profesionistë!
SI FILLIM TË JEMI QYTETARË TË LIRË, PASTAJ MJEKË!
03. 01. 2022
