Një avokat që luftoi me forcë ligjet e Floridas për helmetat, vdiq në një aksident me motoçikletë duke mos e veshur një të tillë. Raporti i tij i autopsisë renditi traumën e mprehtë të kokës si shkak të vdekjes.
Një avokat që luftoi fuqishëm për të shfuqizuar ligjet e Floridës për helmetat në fund të viteve 1990, vdiq teksa ngiste një motoçikletë pa helmetë. Incidenti ndodhi më 20 gusht, kur avokati, Ron Smith, 66 vjeç, po ngiste motoçikletën e tij në autostradën US 19 me një pasagjere, Brenda Jeanan Volpe, 62 vjeç, sipas një raporti të aksidentit nga Patrulla e Autostradës në Florida. Tampa Bay Times raportoi se Volpe ishte e dashura e Smith.
Smith humbi kontrollin e motoçikletës kur u përpoq të ngadalësonte shpejtësinë për trafik dhe motoçikleta filloi të rrotullohej në një lëvizje në drejtim të akrepave të orës, sipas raportit. Më pas automjeti u përplas me një rimorkio të bashkuar me një kamion. Smith u shpall i vdekur në vendngjarje. Volpe vdiq në spitalin e Shën Jozefit disa orë pas përplasjes. Asnjëri nuk kishte veshur helmetë, thuhet në raport, shkruan insider.com
