Kështu shkruan në rrjetet sociale kandidati i opozitës për bashkinë e Tiranës, deputeti Belind Këlliçi.
Ao poston një video, ku duken qartë dy kamionçina te rruga “Idriz Dollaku”, në njësinë administrative nr 1, te të cilat mblidhen banorë dhe tërheqin pako me ushqime.
Nëpunësit ju marrin kartat e identitetit qytetarëve dhe Këlliçi shkruan: Vetëm në një akt të tillë ka disa shkelje ligjore, ku po përmend vetëm një, ligjin për mbrojtjen e të dhënave personale.
Gjithashtu ai thekson se, qytetarët nuk mbeten borxh vetëm në ushqimoret e Tiranës. Tani në këmbim të ndihmave ushqimore, bashkia ta shënon emrin në defter dhe borxhi duhet shlyer më 14 maj, për zgjedhje.
Ja postimi i plotë:
Shënoje në defter
Qytetarët nuk mbeten borxh vetëm në ushqimoret e Tiranës. Tani në këmbim të ndihmave ushqimore, bashkia ta shënon emrin në defter dhe borxhi duhet shlyer më 14 maj, për zgjedhje.
Kjo po ndodh në Rr. “Idriz Dollaku” në Njësinë 1.
Stafi i kryebashkiakut Veliaj po i kërkon qytetarëve kartat e identitetit. Vetëm në një akt të tillë ka disa shkelje ligjore, ku po përmend vetëm një, ligjin për mbrojtjen e të dhënave personale.
Hajduti vjedh 364 ditë dhe 1 ditë të vetme ndërron zanat dhe bën bamirësin.
Fushata ka nisur dhe do të shohim të tjera “pako” në vijim.
