Kosova në rrezik. Miku i ngushtë i kryeministrit Edi Rama në Veri po na kërcënon hapur me luftë.
Rama, në natyrën e tij “strucore” pret ta ndalojë Amerika e pastaj të thotë që e ndalova unë.
Ministrja e Mbrojtjes e Shqipërisë, Olta Xhaçka i “trembi” Serbët duke u thënë, që bëni kujdes, se nuk është koha për luftë.
Kryeministri i Greqisë, Micotaqis, i ka ambiciet hapura në Jug të vendit tonë.
Ai do det dhe tokë.
Shqiptarëve s’ju mbetet tjetër veç të mbeten në formulën klasike “Ja sheshi, ja përsheshi”, se për mejdan…
Populli, por edhe mediat kanë mbetur të shastisur nga dritat festive dhe big brather.
Në “lumturinë” sezonale po përgatiten të festojnë vitin e ri, mbasi kaluan me hare e valle Krishtlindjen.
Pakica në luks e shumica në varfëri. Të majtët e punësuar, militantët e injorantët duartrokasin tradhëtinë e varfërinë që ka plasur hapur.
Të tjerët rrinë e vështrojnë të pafuqishëm të reagojnë.
100 vjet bashkëfajtorë e bashkëvuajtës.
Ata lart, të zgjedhurit tanë, të ndarë e përçarë, të majtë e të djathtë, i bien fyellit në një vrimë, por populli s’e kupton melodinë.
Kur ta kuptojë edhe mund të shpëtojë. Injoranca është lumturi.
Lumturia është ëndërr. Ëndrrat edhe dalin.
Gëzuar…, por Kosova në rrezik, Shqipëria jo më mirë.
