Drejtori i Përgjithshëm i Policisë së Shtetit, Muhamet Rrumbullaku ka pezulluar nga detyra të dy efektivët Ervis Hasa dhe Redi Mato, 23 vjeç të cilët janë konfliktuar fizikisht me njëri tjetrin jashtë orarit të shërbimit.
Konflikti mes dy policëve të patrullës së përgjithshme të Elbasanit, ka ndodhur për një vajzë.
Drejtoria e Standardeve Profesionale në Policinë e Shtetit, ka nisur hetimin disiplinor ndaj tyre, për shkelje të rëndë disiplinore.
Procedimi disiplinor ka nisur krahas procedimit penal të nisur nga Prokuroria pranë Gjykatës së Rrethit Gjyqësor Elbasan.
“Më zunë pritë natën me maska”, flet polici që u rrah nga kolegu: Ishin me shkopinj, si e dallova Redi Maton
Ervis Hasa është konfliktuar më herët me Redi Maton. Më pas ky i fundit në bashkëpunim me dy persona të tjerë të cilët ende nuk janë identifikuar, kanë goditur me sende të forta Ervis Hasën i cili u mjekua në spitalin e Elbasanit dhe aktualisht ndodhet jashtë rrezikut për jetën.
Ngjarja ka ndodhur në 22 dhjetor. Ndaj tyre u mor masa e pezullimit nga detyra, masë që është miratuar nga drejtori i Përgjithshëm, Muhamet Rrumbullaku.
