Adoleshentja që dyshohet se vrau me thikë të dashurin e saj 16-vjeçar brenda makinës dhe më pas hodhi trupin në lumin Shkumbin në Tetovë, ka dalë sot para gjykatës.
Në foto duket momenti kur ajo mbërrin në gjykatë teksa mban një kapuç në kokë për të mbuluar fytyrën, shkruan Tetova.com
Ajo është pritur me protesta nga shokët dhe shoqet e klasës së viktimës, të cilët me lot në sy bërtisnin: “Drejtësi për vëllain tonë Beharin.”
Krimi ndodhi mbrëmjen e 21 dhjetorit tek vendi i quajtur “Banjat e Tetovës”. Trupi i pajetë i adoleshentit u gjet në ujë, ndërsa pas arrestimit e dashura e tij pranoi vrasjes duke thënë se e goditi e mjete të mprehta në kokë pas një debati në makinë.
Më pas ajo dyshohet se hodhi trupin e pajetë në lumin Shkumbin dhe u largua nga vendngjarja.
Kushëriri i viktimës tha se i riu ishte në një lidhje me autoren e dyshuar të krimit prej 4 vitesh dhe para se të largohej nga banesa u ka thënë familjarëve që do të takohej me të.
