Në orët e para të mëngjesit të sotëm, forca të RENEA-s dhe FNSH-së kanë rrethuar dhe hyrë për kontroll në banesën e Vis Martinaj që ndodhet në Fushë-Kuqe, Kurbin.
Martinaj që prej muajit Gusht rezulton i zhdukur dhe policia nuk ka konfirmuar nëse është ekzekutuar, fshehur apo arratisur diku.
Nuk ka konfirmim zyrtar se kush është qëllimi i këtij kontrolli, por mendohet se RENEA dhe FNSH mund të kërkojnë prova shtesë që lidhen me fatin e Ervis Martinajt.
Martinaj rezulton i zhdukur që prej 9 gushtit. Ai ishte shpallur në kërkim, në kuadër të operacionit “Plumbi i Artë”, pasi i penduari i drejtësisë Nuredin Dumani, tha se i kishte ofruar një ‘çek të bardhë’ në këmbim të ‘kokës’ së Indrit Dokles.
Por, në 9 gusht, u zhduk pa gjurmë.
Denoncimin e ndërprerjes së kontakteve dhe zhdukjes së tij e ngriti xhaxhai i Vis Martinajt dhe tashmë prokuroria po heton për rrëmbim personi dhe inskenim.
