Nipi i Mbretit Zog I, Princ Leka II, shoqëruar nga kryetari i Partisë Lëvizja e Legalitetit dhe ďrejtues të tjerë legalistë kanë bërë një vizitë te ura e famshme e Milotit, e cila njihet si Ura e Zogut mbasi u ndërtua nën kujdesin e posaçëm të Tij.
Sikurse dihet tashmë kjo vepër inxhinierike dhe arti njëkohësisht po rrezikon shembjen nga mos mbajtja në vëmendje nga qeveria.
Pikërisht kjo është arsyeja e kësaj vizite dhe përsëritja e apelit për ndërhyrje të menjëhershme në ruajtjen dhe rikonstruksionin e kësaj vepre të trashëgimisë historike, inxhinierike dhe kulturore gjithashtu.
Lajmin e kësaj vizite e përcjellë në rrjetet sociale kreu i PLL-së, Shpetim Axhami.
Ja postimi i tij:
Me LTM Princ Leka II dhe drejtues të PLL Qarku Lezhë tek “Ura e Zogut” në Milot, vepra e parë moderne, dëmtuar kjo kohet e fundit dhe lënë në harresë prej institucioneve shtetërore!
-Akoma asnjë reagim për nderhyrje!
-Deputetët duhet të thërrasin sa më shpejt në interpelancë parlamentare Ministren e Kulturës për këtë problem!
-Nëse brenda Muajit Janar, nuk merren masa për nderhyrje, do i bëhet thirrje e hapur gjithë opinionit publik për veprime të tjera, detyruese këto, që shteti të i hedhi sytë nga ky monument kulturor.
