Deputeti Belind Këlliçi, kandidati i opozitës për bashkinë e kryeqytetit ka vizituar sot Njësinë Administrative të Kërrabës.
Ai vëren dhe ngre shqetësimin se në këtë fshat nuk ka rrugë, por thjesht një shteg…
Tirana rurale është në mjerim. Këtu nuk ka interes për të ngritur kulla, por jetë ka, shkruan Këlliçi.
Gjithashtu ai ironizon teksa shkruan se, “Këtu duan një copë rrugë, që edhe kryebashkiaku kur të shkojë, të mos thyejë këmbët për një foto”.
Tiranën e fitojmë !, kështu e mbyll komentin deputeti demokrat.
Ja shënimi i tij:
Ndodhemi në Njësinë Administrative Krrabë, pak kilometra nga Tirana, një zonë e reklamuar nga bashkia si atraksion turistik. Rrugë a shteg, këtë e tregon fotografia.
Tirana rurale është në mjerim. Këtu nuk ka interes për të ngritur kulla, por jetë ka.
Bashkia i diferencon qytetarët në varësi të vendbanimit. Këtu duan një copë rrugë, që edhe kryebashkiaku kur të shkojë, të mos thyejë këmbët për një foto.
#FitojmëTiranën
