Ambasadorja amerikane Yuri Kim, ka qenë e pranishme sot, për një periudhë kohe, në mbledhjen e KLP ku po dëgjoheshin kandidatët për kreun e SPAK dhe do të votohet për të zgjedhur drejtuesin e ri të këtij institucioni.
Prania e Kim, në fakt s’mund të kalonte as në heshtje, as pa komente dhe nuk dihet sa përputhet me statusin e diplomates.
Ditët e fundit ka patur një përplasje në distancë mes ambasadores dhe kreut të qeverisë, Edi Rama.
Kim ka bërë thirrje që të mos ketë ndërhyrje në procesin e zgjedhjes së SPAK, duke sugjeruar kështu që ka persona të interesuar për të kapur SPAK-un.
Ndërsa Edi Rama ka kërkuar që askush të mos ndërhyjë, përfshirë edhe ambasadën amerikane dhe u ka bërë thirrje anëtarëve të KLP të mos dëgjojnë askënd për këtë çështje.
Ka patur aludime nga anlistë dhe media se kandidati që mbështet Kim dhe ambasada amerikane është Altin Dumani.
