Edhe Reuters konfirmon se mbajtja e Samitit të NATO-s vitin e ardhshëm në Shqipëri është në dyshim. Krekosjet e kahershme të Edi Ramës se do presë në Tiranë, Presidentin Trump, do të shkojnë dëm!
Motivi që flitet është buxheti i ulët i qeverisë për mbrojtjen.
Ai që nuk flitet por kuptohet qartë, janë lidhjet e Edi Ramës me krimin dhe kartelet, që cënojnë interesat dhe sigurinë e Aleancës.
Por edhe nëse dështimi vjen nga shpenzimet e ulëta për ushtrinë, sërish është përgjegjësi e Edi Ramës. Shqipëria paska para për të shpenzuar për taksinë ajrore të Kryeministrit, miliona euro në vit, paska para për një kopsht personal në qeveri për kreun e organizatës, por nuk paska për sigurinë e mbrojtjen.
Samiti i NATOs në Tiranë do të ishte një lajm i mirë për Shqipërinë. Por si përherë, ky event i mundshëm u personalizua nga Edi Rama i cili e paraqiti aktivitetin e Aleancës si nder që i bëhej atij vetë.
E solli si triumf ndaj kundërshtarëve dhe kritikëve.
Po tani që është vënë në dyshim, çdo të thotë?! Në fakt, tani në dyshim është ai vetë.
Pak garanci ka se do të jetë Kryeministër deri në samitin e ardhshëm.
Me siguri këto halle i qan me Ron Yeffetin e KAYOs, i cili së shpejti mund të kthehet edhe në dëshmitar kundër Ramës! Ku i dihet?! Çfarë nuk ndodh! Jetojmë në kohë interesante.
