Në orët e para të ditës së sotme ka shpërthyer një zjarr i madh në qytetin Temerin të Serbisë, dhe gjysmë ore më vonë pati një shpërthim të fuqishëm, raportojnë mediat lokale.
Sipas informacioneve të para, nuk ka të lënduar.
Bëhet fjalë për një zjarr që shpërtheu në një depo me material shpërthyes, raporton e përditshmja serbe Telegraf.
Shpërthimi i fuqishëm ka tronditur banorët e shtëpive përreth që janë vetëm 50 metra nga depoja, afër së cilës ndodhet dhe një megamarket.
Mediat lokale raportojnë se zjarri shpërtheun në një objekt ndihmës dhe u shpërnda në kompani përkatësisht depo, raporton Nova.rs.
Zjarrfikësit kanë punuar afro dy orë dhe zjarri është vën nën kontroll.
Shkaqet e zjarrit, thonë autoritetet, pritet të përcaktohen nga hetimet.
