Autoritetet belge lëshojnë informacione të reja për skandalin e Katargate. Sipas Le Soir belg, paratë e gjetura nga autoritetet, gjatë kontrolleve në banesat e të akuzuarve, i kalojnë 1.5 milionë euro, shkruan in.gr
Sipas asaj që boton e përditshmja belge Le Soir, më shumë se 1.500.000 euro janë gjetur gjatë kontrollit në shtëpinë e Eva Kailit dhe partnerit të saj, në valixhen e babait të saj, si dhe në shtëpinë e italianit, ish-deputetit të Parlamentit Evropian, Pier Antonio Pantzeri. . Ky lajm përmbys atë që dinim, pasi deri më tani raportohej për 600 mijë euro të gjetura në valixhen e babait të saj, i cili po tentonte të arratisej nga një hotel në Bruksel, si dhe 150 mijë para cash të gjetura në zyrën e ish-zëvendëspresidentes të Parlamentit Evropian. Konkretisht, nga të dhënat e reja rezulton se gjatë kontrollit në shtëpinë e Pierre Antonio Panzerit në Bruksel, hetuesit e Policisë Gjyqësore Federale zbuluan rreth 600 mijë euro. Kësaj i shtohen paratë e gjetura në posedim të babait të Eva Kailit (600 mijë euro të tjera), si dhe paratë e gjetura në shtëpinë e eurodeputetes dhe partnerit të saj Francesco Giorgi në Bruksel.
