Vrasja e 26 vjeçarit Martin Çeços në Maliqit, në mes të qershorit të këtij viti, nuk ishte një rast i mbyllur për policinë.
Mësohet se sot është arrestuar edhe vajza e cila dyshohet se kishte lidhje me të.
Bëhet fjalë për 18 vjeçaren Martina Pajollari, e dyshuar si bashkëpunëtore në vrasjen e Martinit.
Policia ka arritur të sigurojë prova që vërtetojnë se kjo shtetase ka bashkëpunuar me 3 autorët e arrestuar më herët, Bleti Angjo, Valter dhe Edlir Mollaj që vuajnë dënimin në burgun e Drenovës.
Martina Pajollari dyshohet se ka qenë vajza e lidhur me viktimën por edhe në një lidhje paralel me Valter Mollajn, i cili është autori i vrasjes.
Martin Çeço nga fshati Kolanec i Maliqit u denoncua më 12 qershor i zhdukur nga ana e babait të tij. Pas njoftimit Policia e Korçës kreu kontrolle në terren dhe trupi i pajetë i të riut u gjet më 16 qershor në rezervuarin e fshatit.
