Ngjarja e rëndë ka ndodhur në natën mes të dielës dhe të hënës në qytezën e Vittoria në Ragusa të Siçilisë.
Një 39-vjeçar shqiptar u sulmua para biznesit të tij. Sapo hipi në makinën e tij, i është afruar një person që ka nisur ta godasë me grushta.
Pak çaste më vonë, agresori ka nxjerrë një pistoletë dhe ka qëlluar 7 herë në drejtim të shqiptarit.
Ai ka tentuar që t’ia largojë armën nga dora autorit. Megjithatë ka marrë plagë në dorë dhe në këmbë.
I plagosuri u transportua nga një i afërm në spital, ku i është nënshtruar një operacioni dhe ndodhet jashtë rrezikut për jetën.
39 vjeçari jetonte prej 15 vitesh në këtë vend me dokumente të rregullta qëndrimi.
Mediat vendase shkruajnë se nuk përjashtohet pista e konflikteve mes shqiptarëve, por kjo mbetet për t’u verifikuar.
Një nga pistat që përmendet janë borxhet.
Mediat shkruajnë se në të kaluarën ai kishte pasur një histori droge dhe se 2 herë i kanë djegur makinën.
