Sali Berisha nga foltorja e Kuvendit ka publikuar një sondazh, që sipas tij tregon mbështetjen e qytetarëve për të.
Në këtë sondazh shihet se mes tij dhe Edi Ramës, qytetarët kanë përkrahur më së shumti kreun e PD-së.
Berisha tha se opozita do të vijë pasi po ecën e sigurt drejt fitores.
Mësohet se kompania e njohur TerraWorld, me bazë në Kosovë, e cila bën matjen e pëlqyeshmërisë në medien sociale, sjell të tjera të dhëna që tregojnë se Sali Berisha e fiton në mënyrë të thellë duelin ndaj Edi Ramës.
Të dhënat tregojnë se Berisha vazhdon të thellojë epërsinë e krijuar që prej protestës masive të 7 korrikut.
Pëlqyeshmëria dhe reagimet ndaj tij në medien sociale kanë ardhur vetëm në rritje.
Matja e fundit ka skanuar medien sociale në 15-ditëshin e dytë të shtatorit.
TerraWorld arrin në përfundimin se Berisha e fiton duelin ndaj Ramës me 57.88 përqind. Ndërkohë Rama regjistron vetëm 42.12 përqind.
Ekspertët e kësaj kompanie thonë se i njëjti mekanizëm dhe algoritëm është përdorur me sukses për të parashikuar edhe garat në vende të tjera si Kroacia.
Kompania bën me dije se në matje janë përfshirë vetëm profilet reale në median sociale. Nga kjo matje janë përjashtuar profilet e reja, profilet që nuk kanë foto, profilet që nuk janë aktivë me postime, profilet që nuk kanë reagime, profilet që kanë vetëm një emër pa mbiemër, profilet që bëjnë share postimeve të kandidatëve respektivë, etj.
Në këtë mënyrë, matja është unike, duke regjistruar vetëm personat që janë aktivë dhe kanë një profil real.
Është kjo arsyeja që Berisha u shpreh në parlament:
“Zonja tha që do vish. Ja ku është e fundit, do vijmë.
“Ja ku është e fundit. Opozita ecën e sigurt drejt fitores. Po po. Nuk je i përkohshëm fare, do ikësh para se të kujtohesh.”
“Ata që tatojnë biznesin me 225 lek kilovatin, kishën, xhaminë, teqenë, janë borxhlinj 200 milion dollar OSSH. Është abuzim i tmerrshëm. Këto për ju i paguajnë kishat , xhamitë, të varfrit e furrat e bukës.” tha Berisha.
