Është rikthyer ditën e sotme në banesë 17-vjeçarja nga Pogradeci, për të cilën familjarët e saj bënë kallëzim në Polici që më 29 shtator duke e denoncuar të zhdukur pasi kishin humbur çdo kontakt me të.
Burime bëjnë me dije se pas kthimit në banesë, 17-vjeçarja ka deklaruar se ishte larguar me të dashurin e saj dhe se nuk kishte nevojë për “alarm” për zhdukje.
Vajza ishte larguar më 29 shtator dhe nëna e saj, 38-vjeçarja me inicialet L.T., kishte pohuar në polici se vajza e saj e mitur është larguar nga shtëpia dhe nuk ka pasur asnjë kontakt me të. Familjarët, miqtë dhe policia ishin prej 4 ditësh në kërkim të saj.
Gjithsesi ky është një lajm i mirë për familjen e 17- vjeçares.
