Para pak ditësh, neutrale.al njoftoi rastin e 7 vajzave të huaja, që u arrestuan në Tiranë, për ushtrim prostitucioni.
Dje ato kanë lënë qelitë dhe do të gjykohen në gjendje të lirë.
Kujtojmë se “shefja” e tyre ishte një kolumbiane, ndërsa “punëtoret” ishin venezueliane, spanjolle, kolumbiane gjithashtu dhe ruse.
Me kërkesë të organit të akuzës, gjykata vendosi për vajzat sharmante masën e sigurisë “detyrim paraqitjeje”, si dhe bllokimin e pasaportave për të mos u larguar nga vendi ynë deri në fund të hetimit.
Një faqe online në internet iu shërbente atyre për të marrë rezervime nga klientë.
Pas rezervimit, vajzat e moshës 20 deri në 30 vjeç kryesisht nga vendet e Amerikës latine, shoqëronin klientët shqiptarë në ambiente dhe hotele të ndryshme në këmbim të pagesës.
Hetuesit e kanë ende të paqartë se kush fshihet pas kësaj skeme, ndërsa vajzat e arrestuara, që sot dolën para gjykatës kanë pranuar që punojnë si eskorta.
Nga veprimet hetimore ka rezultuar se shtetasja Beisi Yusmar Rojas Ruiz, me origjinë nga Kolumbia shfrytëzonte për prostitucion 6 vajzat e tjera të cilat kishin ardhur në Shqipëri nga Spanja, Kolumbia, Venezuela dhe Rusia.
Gjithësesi të shtata u liruan sot nga gjykata e Tiranës , pas kërkesës së prokurorisë për të caktuar masën detyrim paraqitje. Në të njëjtën kohë gjykata vendosi sekuestrimin e pasaportave të vajzave për mos dalë nga Shqipëria deri në përfundim të hetimit.
Jo vetë kaq, në ndjekje penale janë edhe 4 pronarë të apartamenteve ku jetonin vajzat e huaja.
