Ish zv.kryeministri Arben Ahmetaj foli jashtë parlamentit, i pyetur nga gazetarja
Enkelejda Mema e “Vizion Plus”.
Mema e pyeti deputetin atë, nëse lirimi i tij nga çdo funksion qeveritar dhe partiak ndoshta është një distancim i mazhorancës qeverisëse ndaj tij, deputeti Ahmetaj u shpreh, se ai dhe Partia Socialiste janë një.
“Unë dhe Partia Socialiste dhe të gjithë kolegët jemi një. Këto janë vetëm telenovela, por si duket nuk ka lajme, ka nga këto lajme kështu, që nuk e ngrefin dhe ndoshta ju kërkoni këto lajmet e vogla që ndoshta e ngrefin”- tha Ahmetaj.
I pyetur për lidhjen midis aferës së shumëpërfolur të inceneratorëve dhe mënjanimit të tij postet ekzekutive dhe politike, ai tha:
“Çfarë lidhje kam unë me inceneratorët. Ato janë vepra në ndërtim, çfarë të ketë lidhje, më thuaj si e lidh ti?”- tha ai.
Gazetarja: Për aq kohë sa LSI dhe Partia Demokartike në akuzat e tyre ju kanë përmendur emrin tuaj.
“Emrin, kanë përmendur edhe tëndin, edhe të të gjithëve. Unë nuk dua t’ia di se kush e përmend emrin tim, nuk është se më emocionon ndonjë gjë. Është çështje që është në diskutim në institucionet përkatëse. Ju doni të bashkoni pika që nuk ekzistojnë.”- e mbylli prononcimin Ahmetaj.
