Kështu shkruan kryebashkiaku i Shkodrës Bardh Spahia në rrjetet sociale.
Ai i referohet një aktiviteti që të rinjtë e Shkodrës kanë organizuar në oborrin e banesës karakteristike shkodrane pranë muzeut”Oso Kuka”.
U improvizua rituali i dasmës dhe u evidentua tradita. Një mbrëmje e paharrueshme, shkruan Spahia, por mbi të gjitha: Të ardhurat e grumbulluara nga kjo dasëm do të shkojnë për fëmijët autik.
Një dasëm krejt ndryshe në oborrin e banesës karakteristike të muzeut “Oso Kuka”, për një kauzë të veçantë.
Artistët e rinj të Shkodrës nën drejtimin e profesor Lorenc Radovanit na dhuruan një atmosferë që do të mbetet gjatë në kujtesën e seicilit prej nesh, ndërsa shijuam ritualin e dasmës. Vlera dhe tradita që qyteti ynë i ka ruajtur aq bukur dhe ja përcjell brezave të rinj.
Ju bashkova me shumë kënaqësi kësaj mbrëmje, ku organizatorët kanë vendosur që të ardhurat e grumbulluara të shkojnë për fëmijët autik. Në cilësinë e kryetarit të bashkisë, do të jem përherë mbështetës i fortë i nismave të tilla, ku së bashku me stafin e institucionit që drejtoj, do të bëjmë të pamundurën për t’ju gjendur pranë personave në nevojë.
Faleminderit organizatorëve holism.al dhe qytetarisë shkodrane që përherë di ta tregojë veten e saj në të tilla nisma!
