Një ngjarje e rëndë ka ndodhur në periferi të Foggias në Itali, ku një 20-vjeçar është ekzekutuar me 5 plumba.
Ngjarja ka ndodhur në orën 02:00 të së shtunës, në Orta Nova.
Karabinierët ndjekin një drejtim të lidhur me çështje personale; aktualisht përjashtohet ai i krimit të organizuar dhe s’ka lidhje me problemet e të atit.
Mediet italiane bëjnë me dije se Andrea Gaeta është djali i bosit të dyshuar të krimit vendas, i cili është aktualisht në liri.
Policia italiane ka identifikuar vrasësin e dyshuar të 20-vjeçarit.
Bëhet fjalë për 26-vjeçarin Mirko Tammaro, nga Ortanova me precedentë të mëparshëm penalë për vjedhje.
Për momentin hipoteza e krimit të konfiguruar është ajo e vrasjes me dashje si dhe e mbajtjes pa leje të armës së zjarrit.
Arma, e hedhur në fshat menjëherë pas vrasjes së krimit, u gjet dhe sekuestrua nga Karabinierët.
Andrea Gaeta, djali i bosit të dyshuar Francesco kishte gjithashtu precedentë të mëparshëm. Ai po ngiste makinën e tij kur u vra.
Për momentin hetuesit kanë përjashtuar hipotezën e një larjeje hesapesh në kuadrin e krimit të organizuar.
Trupi i 20-vjeçarit u gjet në makinën e tij, në sediljen e shoferit, në zonën industriale të Orta Novës. Policia gjeti pesë predha nga një pistoletë e kalibrit të vogël në asfalt. Andrea Gaeta u qëllua në krah dhe gjoks.
Dhjetëra persona që mund të kenë dijeni për ngjarjen dhe dëshmitarë u morën në pyetje p ër të rindërtuar momentet e fundit të jetës së të riut.
