Kështu shkruan sekretari i PD-së, Flamur Noka, për rastin e shfaqjes së flamurit me yll në aktivitetin e bashkisë Tiranë.
Nuk ka tjetër mbi shqiponjën thotë ai.
Në ishvendet komuniste simbolet e diktaturës janë shkulur, ndërsa në Tiranë glorifikohen.
Ja postimi i plotë:
Mbi shqiponjën nuk ka tjetër!
Fotolajmi se flamuri i RPSSH-së u shpalos në festivalin “Sunny Hill” mori sensancion të madh dhe reagime të shumta.
Unë refuzoj t’jua shfaq këtu, pasi gjykoj se shpërndarja masive është në vetvete një ndër qëllimet më malinje të atyre që e kanë stisur këtë ngjarje.
Në vend të atij flamuri që simbolizon shtetin më të varfër e të mbyllur të Europës, shtetin e tollonave, të radhëve të qumështit e vajgurit, të burgjeve e kampeve të internimit, dëshiroj të ndaj me ju qasjen e disa vendeve të ish bllokut komunist, që pak ditë më parë mbyllën përfundimisht kapitullin më të errët të historisë së tyre, duke shkulur përmendoret me simbolika komuniste.
Çekia, Estonia dhe Letonia, tre shtete që, të marra së bashku, nuk kanë kaluar çerekun e vuajtjeve të shqiptarëve, hoqën nga sheshet e qyteteve të tyre rraqet e mbetura nga sundimi sovjetik.
E kundërta ndodh në Tiranë, ku sundojnë fëmijët e dikurshëm të Bllokut.
Ky është ndryshimi i Shqipërisë aktuale nga republikat e tjera të Europës Lindore. Atje ka vullnet politik dhe dëshirë për përparim dhe zhvillim demokratik, ndërsa këtu qeveris një derivat i Partisë Komuniste, që emrin e ndërron por zakonin s’e harron.
