Ishin 2 persona me motor, u afruan dhe hapën zjarr ndaj meje.
Menjëherë mbas atentatit, që ndodhi mbrëmjen e djeshme në Shkodër, objektivi i autorëve, 25 vjeçari Alban Bruçi është paraqitur vetë në ambientet e policisë Shkodër.
Ndaj tij u qëllua me 19 plumba, por fatmirësisht asnjë nuk e lëndoi drejtuesin e autoveturës.
“Nuk e kam idenë se kush mund të jenë autorët e kësaj ngjarje. Kam qenë duke shkuar në shtëpi kur dy persona me motoçikletë u afruan dhe qëlluan ndaj meje. Në atë moment u mundova që të shpëtoj dhe eca pak metra me makinë. Pasi u larguan nuk kisha marrë asnjë plumb dhe menjëherë erdha në polici”, ka deklaruar ai.
Alban Bruçi nuk është një emër i panjohur për policinë. Në vitin 2016 ka plagosur një person afër teatrit “Migjeni” dhe asokohe është arrestuar si i dyshuar për veprën penale
“Vrasje e mbetur në tentativë”
