“PO, por njerëzit nuk janë ende gati”, habit me deklaratën e tij ish-kreu-hapësinor izraelit.
Në fakt një prononcim të tij ka patur edhe më dt 9 dhjetor 2020 dhe u botua në shumë media ndërkombëtare. Sa herë e lexon, tej viteve, aq më intriguese bëhet.
Në një inervistë të re interesante, gjenerali izraelit në pension Haim Eshed pretendon se qeveritë e SHBA dhe Izraelit kanë qenë prej kohësh në kontakt me jashtëtokësorët por nuk e kanë zbuluar informacionin në publik pasi qytetarët e zakonshëm nuk janë ende gati për ta përballuar.
87-vjecari ish-drejtues i agjencisë vendore së sigurisë së hapësirës, punon tashmë si profesor dhe është mjaft i respektuar.
Pas rreth 30 vjet shërbimi në ushtri dhe disa çmime të fituara, Eshed thotë se nuk ka më kuptim të ruajë sekretin dhe bëri pretendimet e tij në një intervistë me Yediot Aharonot.
Ai tha se qeveritë janë në kontakt me një “Federatë Galaktike” alienësh, të cilët mbikqyrin njerëzit për qëllimet e tyre kërkimore.
Eshed thotë më tej se dhe presidenti Donald Trump di gjithçka për alienët dhe se ishte “në prag të zbulimit” të tyre për botën, por papritur Federata Galaktike e alienëve arriti ta binte të mos fliste.
Sipas Eshed, federata e racave aliene besojnë se njerëzimi ‘nuk është mjaftueshëm i zhvilluar’ për t’iu bashkuar plotësisht federatës ndër-planetare, por duan që ne të jemi vetëm “ndihmësa” të tyre.
“Ka një marrëveshje mes qeverisë së SHBA dhe alienëve. Ata kanë nënshkruar një kontratë për të bërë eksperimentet e tyre këtu. Ashtu si ne edhe ata po përpiqen të zbulojnë si, dhe nga se është i përbërë universi, dhe duan që ne të jemi ndihmësat e tyre”, shpjegon Eshed
