nga Shefqet Meko
Sa shumë kohë që shpenzohet për hiçgjë…Sa shumë fjalë shkruhen për kotësira të politikës shqiptare. A nuk do ishte dobi të flisnim për gjëra konkrete, për njerëz të punës dhe dështimit për sukses? Këtë dua ta bëj siç e kam bërë dekada më parë, kur bashkë me timeshoqe, pas ishim bërë qytetarë amerikanë, filluam të mendojmë se “Çfarë mund t’u ofrojmë njërëzve tanë në Shqipëri”…Pas ditëve të gjata në punë, mbremjeve filluam të përkthenim një libër të thjeshtë për çuditë e Amerikës…Ishte një libër shkruar nga Derrik Xhonson, që na e solli si dhuratë gazetari amerikan Ken Root me një dedikim miqësor kur u bëmë qytetarë amerikanë…Ky libër i ngre lavdi njeriut të thjeshtë në Amerikë, njeriut që punon, ëndërron, bie dhe ngrihet por kurrë nuk dorëzohet…Amerika dhe njerëzit e saj janë thjesht një “Mosdorëzim” njerëzor. Po sjell diçka nga ky libër për të kuptuar se mbi të gjitha Amerika është Liri dhe Punë…Po sjell copeza nga ky liber i perkthyer si “dashuria ime e pare” per Ameriken…
UA!…AMERIKA!
-Parathënie e autorit-
Një nëntitull i madh për këtë libër do të ishte: “ Ua, unë nuk e kam pas ditur këtë!…” Vetëm prisni dhe shikoni se sa here ju do ta thoni këtë gjatë leximit të ketij libri. Më duket se ky është një reagim universal dhe i drejtë ndaj disa prej mijra të vërtetave rreth baballarëve tanë, luftës futbollit, fermerëve dhe shumë fakteve të tjera që në të vërtetë bëjnë “Çuditë e Amerikës”.
Këto rrëfenjëza, janë seleksionuar nga një radio- program “Ç’është Amerika…” që ishte transmetuar çdo ditë në 750 radiostacione amerikane gjatë vitit të 200 –vjetorit të Amerikës dhe qysh atëherë shumë herë të tjera. Nga 366 radio-rrëfenjëza të përditshme (Viti 1976 ishte vit i brishtë, me 366 ditë) këtu janë vetëm disa për kënaqsinë dhe informimin tuaj. Ato u rrefyen gjatë 200-vjetorit të SHBA-së, duke kapur diçka më të mirë nga Amerika dhe nga çdo gjeneratë e këtij kontinenti të ri.
Unë, nuk i tregoj ato saktësisht si në këtë radio-program, sepse unë dëshiroj të shkoj përmes
zemrës së Amerikës, e cila (sikurse ka qënë përherë) janë njerëzit që jetojnë këtu, që ruajnë trashëgiminë e saj dhe ndajnë premtimet e saj.
Ndërsa historia është e gjitha rreth datave dhe fakteve, këto rrëfenjëza janë rreth njerëzve dhe të vërtetave. Ato janë tregime të rastësishme me leksione specifike, secila mund të ngrohë zemrën tuaj, të prekë emocionet tuaja, ngacmojë mendjen ose gjallërojë humorin tuaj. Sikurse do të lexoni një nga një këto rrëfenjëza, shumë herë do të thoni: “Ua, unë nuk e kam ditur këtë!..”
DERRIK XHONSON
