Në një reagim në rrjetet sociale, Delina Ibrahimaj, Ministre e Ekonomisë dhe Inovacionit, njofton se eksportet shqiptare po rriten dhe struktura e tyre po jep sinjale interesante.
Ajo thekson, se në korrik 2026, eksportet arritën në 33.6 miliardë lekë, +10.6% krahasuar me një vit më parë, ndërsa në 7-mujor rritja vjetore arriti në 6.7%.
Reagimi i plotë i saj:
📊 Eksportet shqiptare po rriten dhe struktura e tyre po jep sinjale interesante ndryshimi.
Në korrik 2026, eksportet arritën në 33.6 miliardë lekë, +10.6% krahasuar me një vit më parë, ndërsa në 7-mujor rritja vjetore arriti në 6.7%.
Përtej shifrave, vëmendjen e tërheq ajo që po ndodh me strukturën e eksporteve. Materialet e ndërtimit dhe metalet, energjia, makineritë dhe pajisjet po japin një kontribut më të madh në rritje, duke sinjalizuar një orientim gradual drejt sektorëve dhe produkteve me më shumë vlerë të shtuar.
Hapi i radhës është ta konsolidojmë këtë prirje: më shumë përpunim, teknologji, produktivitet, markë shqiptare dhe kapital njerëzor.
Të eksportojmë më shumë, duke krijuar gjithnjë e më shumë vlerë në Shqipëri. 🇦🇱
