Një nga këshilltarët kryesor të ish-Presidentit Trump, Steve Bannon, është shpallur fajtor për dy akuza penale nga komisioni hetimor i Kongresit amerikan për trazirat e 6 janarit. “I pandehuri zgjodhi besnikërinë ndaj Donald Trumpit në vend të respektimit të ligjit,” tha ndihmësprokurorja amerikane Molly Gaston.
Komisioni hetimor i Kongresit amerikan për trazirat e 6 janarit ka ngritur d yakuza penale ndaj ish-këshilltarit të Trumpit, Steve Bannon.
Juria federale ka dënuar ish-këshilltarin politik të Trumpit për shpërfilljen që ai i ka bërë komisionit hetimor.
Paneli i Kongresit kërkoi informacion rreth kontakteve të Bannonit me ish-presidentin Trump, praninë e tij në hotelin Willard në janar të 2021-shit dhe deklaratën e tij se “i gjithë ferri do të shpërthejë” një ditë para rrethimit të Kapitolit.
“I pandehuri zgjodhi besnikërinë ndaj Donald Trump në vend të respektimit të ligjit,” tha ndihmësprokurorja amerikane Molly Gaston.
Bannon nuk paraqiti asnjë dokument duke pretenduar se ai ishte ndaluar të paraqitej sepse Trumpi kishte sjellë në vëmendje një amendament për privilegjin ekzekutiv.
Ndërkohë, gjykatësi Carl Nichols hodhi dyshime mbi kërkesën për privilegjin që parashtroi Bannoni, teksa vetë avokati i Trumpit sugjeroi se ai nuk do ta mbulonte refuzimin e Bannonit për të bashkëpunuar me Komitetin Kongresit.
Strategu 68-vjeçar republikan nuk u paraqit në datën e thirrjes në komisionin hetimor dhe nuk dha dokumentet e kërkuara ndërsa përballet me një minimum prej 30 ditësh burg dhe një dënim maksimal prej një viti për çdo akuzë.
“Ne mund të kemi humbur betejën këtu sot, por ne nuk do ta humbim këtë luftë,” tha Bannon pas vendimit. Bennie Thompson dhe Liz Cheney, kryetarja dhe zëvendëskryetarja e komitetit të Dhomës së Përfaqësuesve, e mirëpritën vendimin, duke thënë se “askush nuk është mbi ligjin”.
