Kapiten i rangut te pare (L) Artur Mecollari, ish-Zëvendeskomandant dhe Komandant në detyre i Forcës Detare, bënë një renditje të hapave që duheshin ndjekur për rastin e kontenierit me “banane” të grabitura dhe ndalimin nga policia të një numri efektivësh dhe punonjësish.
Ja postimi i tij në “Facebook”:
Ku dhe kur është hapur kontenieri i dyshuar për drogë?
20 vetë, personel të Forcës së Sigurisë së Portit të Durrësit janë arrestuar për “shpërdorim detyre” dhe thyerje të shenjave të sigurisë së autoriteteve doganore.
Arrestimi i tyre është bërë në flagrancë mbasi në Portin e Durrësit u verifikua se një nga kontenierët e anijes ishte i hapur dhe mungonin disa arka me banane. Pra, Policia e Shtetit është e sigurtë se hapja e kontenierit është bërë në Portin e Durrësit.
Kronogjia e lundrimit të anijes:
👉Ora 17:07 datë 14 korrik 2022 anija është nisur nga Gioa Tauro Port (Itali) me destinscion Portin e Durrësit (Shqipëri).
👉Ora 19:15 datë 15 korrik 2022 anija ka hedhur spirsncën në Radën e Durrësit.
👉Ora 20:30 datë 16 korrik 2022 u publikua në media se një anije është ndaluar nga policia kufitare e Durrësit, (në Qerret, dmth në Radën e Durrësit) pasi dyshohet se në të ka ngarkesë me lëndë narkotike
👉Ora 21:30 datë 16 korrik 2022 u publikua në media se pas kontrolleve në anije policia kufitare dhe taska forca nuk ka gjetur asnjë send ta paligjshëm në bordin e anijes.
👉Ora 10:13 datë 17 korrik 2022 anija ngre spirancën nga Rada e Durrësit për tu futur në Portin e Durrësit
👉Ora 10:34 datë 17 korrik 2022 anija bregëzohet në një nga kalatat e Portit të Durrësit.
👉Mbas bregëzimit në Portin e Durrësit është verifikuar se një nga kontenierët ishte i hapur dhe mungonin arka me banane.
Meqënëse Policia e Shtetit nuk e jep emrin e anijes me kontenierë, nuk po e jap as une. Por ka një fakt që duhet verifikuar. Anija ka qëndruar në Radën e Durrësit mbi 36 orë dhe gjatë kësaj periudhe media ka informuar se një anije konteniere ishte e dyshuar nga policia për trafik ndërkombëtar droge, si dhe është kontrolluar.
